【學識5步驟 】書本不再容易變黃 保養好Easy

如果你係鐘意睇書,屋企保守估計都有幾十本書,所以書架有1至2個都好正常。不過,時間一耐咗,會發現好多自己喜愛或珍貴嘅書本都會變黃或好污糟。不過,如果你識得好好保存書本,佢嘅壽命會比你想像中長。今次,就教大家5個步驟去保存書本啦!

步驟1 簡單清潔書本表面

嘗試用擦膠做簡單嘅清潔,將書嘅封面,內頁同書口嘅污糟位置擦走。

用擦膠作簡單清潔係最方便簡單嘅方法

步驟選擇低濕度& 陽光嘅地方

藏書嘅環境最好係相對濕度60%以下,但可惜香港天氣大部分時間都好潮濕。所以,如果屋企長期太潮濕,建議大家可以試下擺把電風扇吹住書櫃附近嘅位置,或擺防潮珠喺書櫃裡,嘗試減低濕度。

防潮珠可以避免書本因為天氣潮濕而令紙張容易變黃

仲有,要避免陽光直接照射書本,否則會加快書頁氧化速度,令佢更快變黃。所以,建議書櫃唔好擺喺有陽光嘅地方或可以選擇有密封門嘅書櫃擺書。

密封式書櫃令書本避免接觸陽光,減慢氧化速度

步驟有技巧地擺書

如果屋企太多書,應該依照書本高度整齊放,由高至矮排。咁樣,拎書都會容易D,可以避免破壞書脊。

依高度放整齊,避免難抽取而整爛本書

步驟4用中藥包驅書蟲

將花椒粒、冰片或黃柏片擺入棉花包裹,再放入書櫃角落,咁就可以用呢個中藥包嘅氣味去驅蟲。

氣味會隨時間失效,建議各位半年就更換一次

步驟5儲存少睇但得收藏嘅書

書櫃唔應該出現「1本書迫1本書」嘅情況,否則會容易令書本被壓皺。

成個書架塞滿書,會容易壓皺書本

所以,建議可以將一d平時少睇嘅書暫時好整齊咁擺入大膠箱,再掉幾包防潮硃入去。但如果屋企無曬位,可以考慮使用市面上嘅「上門儲存服務」。

只要網上登記簡單資料同預約時間,就會有專人送上空箱到你屋企。你將d書擺入「迷你箱」裡面後,就會有專人幫你搬番D箱入倉。假如遲下要拎番某d書出黎睇,只要網上預約日期時間,就會有專人送上指定嘅「迷你箱」到你屋企門口。

網上輕鬆管理存倉物件

Spacebox隨存屋為例,如果租6個月或以上,宜家除咗有「1個月免租」優惠外,每2個月仲會有一次免費運輸。另一方面,倉庫已經配有濕度&溫度控制,提供一個合適存放書本嘅環境,唔洗怕香港潮濕天氣問題影響。

了解更多