【梗係要儲存】7件黎自中小學時代嘅收藏 回憶立即番曬黎

相信大家脫離左學生身份都有一段時間, 就好似小編咁已經變左一個老餅, 但屋企仲會收藏左唔少中小學時代嘅威水野。有時候, 都會係儲物櫃拎番出黎同屋企人或伴侶睇下笑下回味下, 唔知你地屋企又有無留低番以下7件黎自中學時代嘅野呢?

屋企收收埋埋 有唔少中小學時代嘅古董

小學至中學嘅手冊系列

好整齊咁儲存由小一至小六, 中一至中六嘅學生手冊。宜家睇番, 你會發現多數手冊頭幾頁嘅字都寫得好有心機同好靚, 跟住最後幾頁就會好似打風咁。想睇下果陣做過咩功課? 首先要睇得明自己寫咩字。

考試卷

有D人會將自己拎滿分嘅考試卷好好收藏。而小編就最鐘意收藏考得最差嘅考試卷, 當你睇番都唔明白點解當時會寫得出呢D答案, 仲有時會發現畫左D公仔係份考試卷到。

週記

以前小編都覺得寫日記係一件MK嘅事, 點知好多中學將週記列為一份必做功課。宜家大個左, 睇番本週記, 諗番起當時天真無邪嘅你, 都嘆了一口氣。最後, 班主任通常寫番一篇留言俾你時, 果下感到好Warm。

作文功課

作文同騰文係一件中小學生必做嘅事, 而12年嘅中小學生時代, 一定有幾篇係你經典之作。而小編都有儲存唔少中學時代嘅巨作, 例如有一篇係「寫一封給爸爸」, 但發現作作下其實係虚構左另一個理想型爸爸出黎。宜家, 拎番出黎同屋企人一起睇, 都會笑一笑。

學生相

呢樣野我相信好多人都會留番低, 見證住自己由薯仔Look進化成一個學生哥。而小編嘅學生相睇得出由一個無頭髮嘅一指超人進化成了一個有劉海嘅學生哥。

校服

當大家最後一日係中學渡過時, 通常會有一個習俗就係叫曬D同學係你件校服上簽名, 跟住成件衫都變成七彩顏色, 粗口橫飛。

紀念册

呢樣野無論中學或小學都會出現, 前面會填大家嘅聯絡資料, 後面就係填祝福語, 而小編到宜家都將紀念册好好收藏係儲物櫃。

小學紀念冊發現已經有同學祝福小編 「希望你有一份好工作」

上門迷你箱儲的是生活空間 亦是回憶

雖然好多人屋企都預留左1個儲物空間去收藏唔同野, 例如朋友送嘅野, 或好似以上中小學時代留低嘅野。呢D野通常都唔掉得/唔捨得掉, 但放係到又會浪費左屋企唔少空間。

不如考慮用Spacebox隨存屋上門迷你箱服務, 1個箱最少已經可以載到成個中學時代嘅野, 而收費只係低至$39/月起。只要有需要拎番, 電話撳個制就會有專人上門送番俾你。宜家新客戶選擇長期儲存計劃, 除左送你首月免費, 仲會毎2個月送你一次來回免費運輸。

了解更多

(圖片來源: nextmedia)