【赤裸裸展出】克羅地亞分手博物館 儲存大家過去嘅愛情

嚟緊我會同大家介紹一系列嘅奇怪博物館,全部展覽品都「創作力量同幻想會嚇你一跳」。介紹番今次嘅主角前, 首先問大家一個問題先。唔知大家會唔會儲起以前男女朋友送過俾你嘅野呢? 有2位外國人就覺得, 就算大家再一齊行唔到落去, 但都曾經都開心過, 毎件物品背後都有一個獨一無二嘅回憶, 最後就好大膽有以下呢個Idea。

曾經係一對情侶 宜家變成合伙人

今次嘅主角就係分手博物館(Museum of Broken Relationships),間野由一對克羅地亞嘅藝術家- Olinka Vištica 同 Dražen Grubišić創造。

2006年第一間係克羅地亞開嘅分手博物館

2006年果陣, 佢地已經拍左4年幾拖, 可惜最後感情都係走向盡頭。雖然係咁, 藝術家都係人嚟, 都同好多人一樣, 發現就算大家唔再係情侶, 都會依依不捨咁儲存番另一半嘅紀念品, 生日禮物, 大家同居嘅傢俬等…最後, 佢地知道積存曬係屋企唔係辦法, 不如起個博物館, 重新俾佢地一個容身之地。

Olinka Vištica 同 Dražen Grubišić, 最後變成分手博物館嘅合伙人, 重新有另一個開始

呢個博物館就好似變左真實版既Facebook, 全部有實物有真相。十年黎不斷係世界各地巡迴展覽,邀請唔同嘅人展出自己以前嘅感情。到目前為止, 已經展出過45個地方。

黎緊7月16至17日 會係New York City到舉行一次展覽

毎件展覽品睇落無咩特別, 但其實毎件背後都有一個故事。博物館展出嘅已經唔單止Olinka Vištica 同 Dražen Grubišić嘅愛情故事, 仲有500多對情侶嘅愛情故事。洛杉磯分館館長講過:「當佢地將果D野俾我果陣, 我Feel到佢地嘅唔情願同緊張心情;不過之後,佢地都會放鬆左一下。可能呢種就係淨化嘅過程(catharsis) 。」

“以前嘅女朋友送左個放大鏡俾我, 一直都唔明點解會俾咁嘅野我。但只記得佢成日話:”當自己企係我身邊, 感到自己好渺少。”

“呢個熨斗當年係用黎熨我結婚嘅恤衫,  宜家只係一樣平平無奇嘅野。”

“佢有第二個女人, 而我成為唔到佢嘅第一。”

 

收到好多永遠估你唔到嘅野

部分展覽品可能一睇就估到背後嘅故事, 但有D真係…..連福爾摩斯都唔會估到。有D睇完個故事都R爆頭, 只可以說人類好有創意。

呢D係毛毛蟲被剪落黎嘅腳, 恐怖指數極高。呢段戀情接近有2年, 而每一次見面就會剪呢隻毛毛蟲一隻腳, 但隻野都未剪完就分開了。數一數, 佢地應該只係見過10次面?! 其實呢對情侶只係因為分隔兩地, 唔可以成日見面, 所以希望當有一日毛毛蟲的嘅腳剪曬果陣, 佢地唔再分隔兩地。可惜, 最後天意弄人…

一開始估唔估到呢2舊係咩乜東東黎? 其實係巨型矽膠隆胸墊, 前任一直覺得佢胸部唔夠大, 於是就俾錢佢做隆胸, 但事後佢用左成寸厚嘅面皮問佢拎番錢 (真係好自私)。

最後佢頂唔順個前任, 仲有呢個成個西瓜咁大嘅矽膠,足足煩足佢5年。最後, 做手術拎番佢出黎, 做番真正嘅自己。

 

毛公仔 經常係博物館蒲頭

Vištica 表示佢地去過好幾個城市, 發現都有個共通點, 就係一樣會收到女性帶黎嘅毛公仔, 背後嘅故事都係差唔多, 結果都係因為有第三者而離開。

“我17歲生日時佢送左呢隻公仔俾我, 係第一份送俾我嘅生日禮物。我地相處左30年, 已經有3個仔仔, 一間屋等等… 最後佢愛上左第二個女人 ,而選擇放棄我。 佢完全傷透我個心, 仲同我講係呢30年其實唔係想像中咁愛我。我真係好唔明白。”

當然都有溫情故事, 有一個男仔好鐘意飲咖啡, 佢好醒咁送左部Espresso咖啡機俾佢女朋友,日日沖俾佢飲, 一舉兩得。最後, 個男仔離開左佢, 而果部咖啡機一直無掉, 永遠長放係地下室。

 

自創屬於自己嘅私人博物館

Vištica搞呢個分手博物館時講過:「好多人分手後第一個本能嘅衝動,多數都係銷毀任何令佢地痛苦經驗嘅野,但佢地唔知道,毀掉嘅野其實可以係佢地「傷口」癒合後,成為美好過去嘅紀念品。」

 

雖然佢地未黎過香港搞展覽, 但你都可以創造屬於你獨一無二嘅分手博物館, 儲起全部美好回憶嘅紀念品。但怕屋企無位? 或「傷口」未癒合? 其實可以考慮用Spacebox 隨存屋 嘅「上門迷你箱」, 將佢地儲曬入倉先, 而倉庫係有濕度控制嘅設備, 唔會怕因為香港潮濕嘅天氣而令到D野變曬質。

 

當你想拎番出黎睇, 回味一下美好過去嘅回憶, 可以自助上網安排出倉時間, 專人上門送番曬D野俾你。價錢會唔會好貴? 一個迷你箱只係39蚊/月, 成為長期客戶(6個月或以上)仲包你每2個月一次免費出倉。

了解更多

(圖片來源: 痞客邦- eri0936, Museum of Broken Relationships, 壹讀)