【廚餘機2024推薦】 家用廚餘機入門必睇！邊款廚餘機最好用？
垃圾徵費計劃雖然政府宣佈推遲到8月先正式實行，但廚餘回收同用廚餘機對於大家嚟講係一個全新嘅生活習慣。大家有冇諗過提早買部廚餘機番屋企，開始將回收廚餘融入日常，研究定部廚餘機點用，到時做回收就唔失禮，仲可以慳番買指定袋嘅錢！繼續睇埋落去為響應環保作好準備！
廚餘機係啲咩？
廚餘機(家用版)屬於小家電，專門用作處理廚餘。廚餘機可以將食物殘渣、果皮、蔬菜殘餘等有機廚餘進行分解及堆肥，並將其轉化為肥料。
廚餘機係點操作？
廚餘機原理係利用微生物將有機廚餘進行分解。喺分解過程裡面，有機物質會被分解成小分子，並會同時釋放出熱能同二氧化碳，而呢啲分解產物正正就會係肥料。
點解要用廚餘機？
廚餘機除咗減低垃圾量，同時亦可以減低蚊蟲果蠅孳生。不過處理廚餘過程中多多少少都會產生異味，雖然可以利用活性碳黎減低廚餘味道，但未至於變成完全無味。
廚餘機原來有分唔同類型？
廚餘機主要可分為「乾燥式」、「生物降解式」、「粉碎型」同「多合一型」，以下將會作詳細解釋。
一分鐘認識「乾燥式、生物降解式」廚餘機
- FoodCycle Pro 乾燥式廚餘機不論生熟廚餘或蛋殼都可成功磨成小碎屑
圖片轉載於：小胖盈的花椒人蔘
| 種類 | 乾燥式 | 生物降解式 |
| 原理 | – 利用熱能或送風去烘乾廚餘中嘅水分 – 只要幾個鐘就可以將廚餘攪碎，減少廚餘體積 | – 利用微生物將廚餘分解成水及二氧化碳 – 處理時間大概要4-20個鐘 |
| 優點 | – 短時間內縮減廚餘體積 – 並能去除廚餘味道 | – 無需用電 – 無燥音問題 – 廚餘經處理後可直接作肥料用途 |
| 缺點 | – 耗電量高 – 較嘈吵 – 較易產生食物燒焦味道 | – 處理時間較長 – 分解過程中亦容易產生異味 – 不能處理硬物，如骨頭、果核等 – 機身面積較大 |
一分鐘認識「粉碎型、多合一式」廚餘機
- Teka粉碎型廚餘機同樣適合安裝於香港樓宇
圖片轉載於：明報《「攪」「烘」「解」迎垃圾徵費 廚餘機鬥細鬥快鬥慳電》
| 種類 | 粉碎型(俗稱:鐵胃) | 多合一式 |
| 原理 | 直接連接喺鋅盤下方，只要將廚餘直接倒落去， 就會粉碎成顆粒狀 | – 大多兼具2種以上嘅處理能力， 多為乾燥式及生物降解式。 – 利用專用嘅發酵基材同廚餘混合， 再烘乾以加速發酵時間。 |
| 優點 | – 慳位 – 處理時間較短 – 硬物亦能輕鬆處理 | – 處理時間較短 – 耗電量較低 – 廚餘經處理後可直接作肥料用途 |
| 缺點 | – 較嘈吵 – 需請師傅安裝 | – 體積較大 – 發酵過程會有異味 – 價錢較高 |
「喺垃圾徵費下，點樣可以減少浪費？」
廚餘機點揀好？點知邊款廚餘機啱自己？
睇完上面嘅介紹，應該都增加咗對廚餘機嘅認識。但到底入手廚餘機前有啲咩條件係要考慮？
以下有4大選購準則比大家參考：
- 廚餘機用途
廚餘機並唔係每一種都可以處理哂所有種類嘅廚餘，有部份係唔能夠處理硬物；有部份則不能將處理物直接作肥料使用。
- 廚餘機容量及體積
廚餘機嘅機身體積愈大，可以處理嘅體積亦愈多。所以可以因應獨居/一家人，以及屋企嘅廚餘量作決定。
- 耗電量及噪音分貝音量
廚餘機有2類需要用電，買嘅時候除咗要留意能源標籤，亦可以睇下廚餘機本身有冇慳電模式/可以手動攪拌。而噪音方面則留意一下廚餘機有冇靜音功能，或者有冇標明運作時所產生嘅噪音分貝量。
- 成本
購買廚餘機前除咗考慮機價外，其實都要考慮埋日常嘅維護成本，例如「乾燥式」會增加電費，「生物降解式」則需要購買酵母菌等。
「處理廚餘就搵到方法喇，咁執屋呢？」
家用廚餘機熱門推薦
- FoodCycler Pro 廚餘機
- 種類：乾燥式
- 體積：35(H) x 34.2(W) x 26.3(D) cm
- 容量：28.9L(最大容量10L)
- 安裝服務：N/A
- 特點：採用專利Vortech™渦流粉碎科技，雙倍大扭力摩打設計，配售環狀鋸齒下，可以粉碎堅硬廚餘，如豬骨、羊骨、海鮮殼及果核等)；廚餘機內桶為耐用鑄鋁材質搭配食品級陶瓷塗層；配有一鍵清洗功能。
- 購買渠道： The Club / Amazon / Searching C
- 價錢： $3,980 – $4,280
內容及圖片轉載於：Searching C
- Reencle RC02 廚餘機
- 種類：生物降解式
- 體積：50(H) x 30(W) x 36(D) cm
- 容量：21L (最大容量3L，廚餘重量2kg)
- 安裝服務：N/A
- 特點：觸摸式開關可以快速乾燥及淨化空氣
- 購買渠道：Fortress / ElecBoy / Searching C / The Club
- 價錢：$5,380
內容及圖片轉載於：豐澤Fortress
- NAGUALEP 家用三合一 廚餘機 2.0
- 種類：三合一式
- 體積：40(H) x 30(W) x 30(D) cm
- 容量：2.5L
- 安裝服務：N/A
- 特點：可以處理骨類廚餘；備有活性碳濾芯幫助過濾廚餘氣味及除臭； 運作處理完成後會自動關機
- 購買渠道：Fortress / ElecBoy / Searching C / Amazon
- 價錢：$4,680
內容及圖片轉載於：豐澤Fortress
- Teka TR50.4 廚餘處理機
- 種類：粉碎式
- 體積：31.8(H) x 17.3(W) x 17.3(D)
- 容量：0.98L
- 安裝服務：需要請師傅上門安裝
- 特點：容易使用；只要打開水龍頭，按下氣壓式開關，即可攪碎廚餘，廚餘會經水管排走
- 購買渠道：Fortress / 信興集團
- 價錢：$2,480
內容及圖片轉載於：Teka
「垃圾徵費近在眉睫，執屋有咩法寶？」
唔洗腦力又想慳到位放多部廚餘機？呢度有方法！
垃圾徵費在即，想裝修又或者大執屋企嘅大家真係要好好把握時間！8月後扔所有物品前都需要用最大腦力去計清計楚，先知點樣可以最慳成本地扔垃圾。執屋過程中，唔多唔少都會有啲想扔又唔捨得嘅物品。如果只係屋企唔夠位就太可惜啦，呢個情況可以考慮利用「上門儲存服務」，唔洗努力就可以輕易將物品入倉，亦都相當環保！
用「上門儲存服務」仲有不同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，使用6個月儲存箱計劃，每月最低消費只需$180起，比租傳統迷你倉更抵！
