【旅行推薦】2024嚴選3款新設計行李箱！內附揀選行李箱指南

作為香港人一定都有旅行因子！一放假就要四周圍飛，周末都要兩日一夜去轉台灣行夜市，所以一定要買定唔同款式嘅行李箱旁身，說走就走，毫不遲疑！想可以爽快出發，就要拎啲時間整理間屋，唔係飛完幾轉返嚟全屋物品已經鋪晒塵。不過而家睇咗有咩新設計行李箱先！

市面上有好多唔同嘅行李箱品牌，尺寸、款式、種類都有唔同選擇。到底行李箱應該點揀？選擇尺寸時應該考慮咩因素？仲有３款新設計行李箱推薦，例如超慳位、非常適合窩居收納嘅摺疊式行李箱！咁究竟行李箱應該點揀至精明？

揀行李箱取決於3大因素

行李箱一般可以分為登機手提行李，以及寄艙行李，前者一般指20吋或以下嘅行李箱，後者可以再細分為22吋至26吋嘅中型行李，以及28吋或以上嘅大型行李箱。

特別值得留意嘅係，除咗行李箱尺寸，航空公司仲會限制行李嘅重量。所以，行李箱必須輕巧、有足夠存放空間、夠堅固，以免因行李箱本身太重而造成不必要嘅收費或困擾！

認識埋物料同拉桿設計就可以揀到個更加耐用嘅行李箱，唔再只被行李箱嘅外觀設計、顏色搞到眼花撩亂！如果屋企有啲舊行李箱唔知擺邊，可以考慮執屋個陣搵存倉，咁就唔怕嘥咗屋企嘅生活屋間。

物料	優點	缺點
ABS 樹脂	硬度高、耐磨、防刮	缺乏韌性，不耐撞
PC 聚碳酸酯	耐冷熱程度好、抗衝擊性能佳韌性及吸震能力佳，有效緩衝撞擊力道，不易破損	價格偏高
ABS+PC	結合 ABS 高硬度 + PC 高韌度的特性目前市場上的主流物料提高抗衝擊性、吸震力好，耐冷耐熱	優質的ABS+PC行李箱屬中高價位品牌眾多需花時間比較
PP 聚丙烯	較耐撞、耐高溫抗多種有機溶劑和酸鹼腐蝕	較重
鋁合金	外觀質感高耐冷熱程度高、防潮性佳	價格最高若遭到強烈撞擊，有機會箱殼變形無法蓋合

圖片來源：@MR.MAKEofficial (Youtube)

拉桿類型	特點
多段式拉桿	市面上最常見的類型，可以於2-3個位置停頓固定，可以根據身高進行調整
無段式拉桿	可以在任何想停頓的地方固定，高度調整較為自由
外置式拉桿	一半的拉桿至於箱殼外部，所以箱殼內部會較為平整，比較好收納行李
單桿拉桿	較為輕量式的拉桿款式，但是由於支撐只有一點，所以控制會比較吃力
一體成形拉桿	最堅固的拉桿，通常握把處都是塑膠，與铝管額外做固定一體成形的拉桿沒有分層也很少接縫，利落又堅固
寬拉桿	因為施力固定點較廣，推起來較輕鬆，但是一般可以插拉桿背包都插不下

「舊嘅唔去，新嘅唔嚟😆」

⇢ 舊喼擺邊好？

來自以色列創新行李箱品牌Rollink，以摺疊式行李箱而知名。當中Flex 360° Spinner系列行李箱，提供4種尺寸選擇，分別為21.6″、22″、26.5″及29″，讓不論長中短途旅行嘅你，都可以揀到最啱Size嘅摺置行李箱。

行李箱摺疊後，總厚度只有5吋，堪稱全球最薄！體積大幅減少75%，放喺屋企都超級慳位！做到咁薄，最大優點固之然係可以「大喼包小喼」，回程即刻拉番大個喼擺戰利品，啱晒喜歡購物嘅你。

物料方面，Flex 360° Spinner行李箱選用輕量嘅PP(聚丙烯)作硬殼，展開部分以防水布料製作而成，耐磨耐用，落雨都唔怕！顏色選擇上更配合到不到喜好嘅你，目前最熱門有大西洋深藍色同湖水綠色。仲有一眾女士無法錯過嘅煙燻玫瑰色，想突出個性仲有螢光黃可以揀！

LOJEL Cubo系列行李箱售價：Small – HKD$2600 / Medium – HKD$3000 / Fit – HKD$3200 / Large – HKD$3300

LOJEL作為日本行李箱品牌，秉承日式美學，美觀簡約嘅外觀深得一眾年輕人喜愛，當然其中實用嘅前揭式行李箱設計先係令佢成為熱門品牌之一！

LOJEL當中以Cubo系列最受大眾歡迎，佢嘅前揭式設計再唔怕去旅行住細房唔夠位攤開個喼，或者落機個陣想係喼拎番件褸出嚟著，都唔洗驚攤晒開喼，比人睇晒啲嘢咁狠狽。

呢個系列總共有9款顏色及4個容量（37L、70L、100L、120L）俾大家揀選。如果回程行李太full，Cubo行李箱更設有擴充式拉鏈，方便大家增加收納空間，咁去旅行買多咗嘢都唔使擔心冇位啦。

保養方面，LOJEL貼心地包10年全球保養，每個行李箱都設有個別ID，touchwood喺外地整爛個喼都搵到維修。

源自美國嘅行李箱品牌Samsonite已經有過百年歷史，相信大家對於呢個名子都唔陌生。呢個經典行李箱品牌都搞搞新意思推出Beamix系列，新系列更成功獲得Reddot設計大獎。

Beamix系列今次係鎖喼上加入「指紋解鎖功能」，有助提升防盜程度仲唔洗記密碼！「指紋解鎖功能」最多可儲存 20 個獨特的指紋，如果行李箱會同屋企人共用都唔怕要reset啦。

除咗增設指紋解鎖功能，更配備Aero-Trac Suspension II 輪胎系統，減少推動行李箱時嘅震動。仲裝有滾珠軸承，滑動時更平穩。 Beamix行李箱都有設計前揭式開口，垂直行李箱嘅情況下仍可拎取物品，好適合放置手提電腦、相機等物品。

「假期去玩定要執屋？」

⇢ 整理新方案

買咗新行李箱，可以嚟個說走就走嘅悠長旅行喇！但丟低間屋一段長時間無人打掃真係唔太放心，返嚟香港啲嘢隨時鋪晒塵。開始一段走訪世界各地之旅前，一於的起心肝幫屋企嚟個大執屋！將舊喼放入倉就唔怕俹咗屋企啲生活空間，仲可以順手將好耐無用嘅家居物品一次過入倉，好好收納屋企物品，放心去玩！

「諗唔到點執屋？不如睇吓上門儲存服務幫唔幫到你！」

「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。