【濕疹革命】𢯎到停不住？濕疹成因、中西醫治方法
「唔好再𢯎啦，再𢯎就流血㗎啦！」「你根本唔知我有幾痕，有幾辛苦！」近年黎愈來愈多人受到皮膚敏感嘅影響，輕則係因乾燥引起嘅痕癢不適，重則會係變成皮膚病。而當中最常見嘅其中一種就係濕疹，如果你或者身邊嘅人有受到濕疹嘅影響，想了解多啲關於濕疹，就繼續睇落去啦。
濕疹係啲咩？
濕疹又稱為異位性皮膚炎，較常會喺身體嘅關節、四肢、頸部、面部等地方出現。發病時皮膚會變得乾燥、紅腫、痕癢，甚至會出現水泡或因傷口發炎而流膿，所以假如係濕疹嚴重患者，真係會相當影響日常生活，簡單如行路都會因傷口拉扯變得不便。
誘發濕疹嘅幕後黑手？
雖然真正誘發濕疹嘅成因未明，但我地都可以了解一啲可能引起濕疹嘅因素。
4種常見內在因素
| 基因遺傳 | 如果父母本身患有濕疹或者過敏症如鼻敏感、哮喘等，小朋友患有濕疹嘅機會會相對提高 |
| 免疫系統異常 | 免疫系統失調會令皮膚變得異常敏感，即使係極少嘅致敏原都會令皮膚有不適反應 |
| 皮膚屏障功能受損 | 導致經表皮流失的水分增加，令皮膚抵抗功能下降，容易誘發皮膚的炎症反應。 炎症反應又會加重皮膚屏障功能的異常，於是就會形成一個惡性循環。 |
| 壓力及情緒波動 | 過度壓力及負面情緒會令壓力荷爾蒙分泌維持高水平，影響免疫系統繼而誘發濕疹。 當免疫系統受到影響，會令濕疹更難控制，隨而引起更多負面情緒及壓力， 令濕疹再度惡化，形成惡性循環。 |
4種常見外在因素
| 天氣轉變 | 過高或過低嘅溫度及濕度都會令皮膚變得敏感及乾燥，容易引起或加劇濕疹病況 |
| 食物敏感 | 不少濕疹患者均對特定種類食物過敏。例如海鮮、奶類製品、堅果及麩質等 |
| 化學物敏感 | 日常生活中經常接觸嘅清潔劑、酒精、香料、人造香精、染料等均為致敏成因之一 |
| 環境過敏原 | 過度堆積雜物或疏於清潔家居或工作環境，會容易導致塵埃、污垢積聚。 而當中嘅灰塵、塵蟎、皮屑等均為致敏原，繼而引起過敏反應 |
「間屋整齊啲，灰塵都少啲🤓！」
濕疹可以點醫？
深受濕疹困擾嘅你，應該有聽過或者試過各種方法，究竟試用偏方去治療，定係試吓執整齊間屋去改善濕疹狀況？咪住，不如睇咗最普遍及較多人用嘅中醫、西醫濕疹治療方式。想知道中西醫喺治療濕疹嘅手法有咩分別，就可以睇睇以下嘅比較。
西醫治療濕疹方式
| 方法 | 抗組織胺 | 類固醇藥物/藥膏 | 濕敷療法 | 非類固醇藥劑 |
| 時效 | 較快見效 | 較快見效 | 需長期使用 | 需長期服用 |
| 注意事項 | – 有副作用：嗜睡 – 效果不持久 – 只適合輕症 | 有副作用： – 皮膚變薄 – 產生依賴性 | – 包裹繃帶使活動不便 – 長期濕敷亦有可能令毛囊發炎 | – 需定期觀察白血球指數及肝功能 – 有可能引發肝臟問題 |
中醫治療濕疹方式
| 方法 | 口服中藥及食療 | 外洗中藥 |
| 時效 | 較長 | 較快 |
| 注意事項 | – 需長期治療 – 較難快速減低症狀 | – 步驟較為繁複 |
「唔想灰塵成為新致敏源😳」
減少環境致敏源，大大改善濕疹情況
濕疹患者除咗持續嘅醫生治療，改變外在因素都有助鎮靜濕疹嘅情況，由其前段提及過嘅「外在因素」係最易改善。屋企地方淺窄，無可避免地都會堆積咗一堆物品，繼而搞到屋企積積埋埋好多灰塵，唔小心佈下咗誘發濕疹嘅天羅地網。如果想避免呢樣情況而誘發濕疹，不妨使用上門迷你箱，將屋企多餘嘅物品入倉。
「上門迷你箱」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
屋企雜物減少咗，空間闊落番，自然就容易打理同清潔，咁就有效減低環境致敏原，同痕癢講bye bye !