【服務式住宅2024推薦】 服務式住宅邊間性價比最好？寵物同住？
而家嘅租住形式有太多選擇，即使你係「生於斯，長於斯」都未必會揀買樓，服務式住宅就正正命中想短期租住嘅你。可能因為遷就返工地點而租服務式住宅一年半載，又或者不同原因要係香港與其他城市之間往返，唔想被租約綁死。為咗大家對服務式住宅有更多了解，小編淺談租住事項之餘仲介紹5間高性價比嘅服務式住宅。
服務式住宅係啲咩？
- 酒店形式管理的住宅單位
- 租期靈活（分為月租、短租及長租），即租即住。
- 以月租形式租出，唔似租樓係以年去計
- 一般租金已包WIFI、清潔服務、水電雜費；唔需要比佣金或𨤳印費。
- 單位面積由百幾尺到千幾尺都有，大多為開放式設計。
- 單位設計上比酒店居家，更有家嘅感覺。
服務式住宅邊款租用計劃最啱我？
| 租用計劃 | 月租式 | 短租式 | 長租式 |
| 租期 | 最短為一個月，可續租。 | 3個月 – 半年 | 2年 |
| 適合客群 | 屋企裝修需暫時外宿 | 商務旅客、短期居留旅客 | 預算有限但又想方便、安全嘅自住人士 |
服務式住宅租用前有咩條件要考慮？
- 租金預算
- 位置及交通配套
- 房型設計及景觀，如隔音是否良好；窗戶可否自由開啟等
- 設施配套及服務，如有冇獨立廚房、煮食設備等
- 如有養寵物，可留意有冇寵物友好單位
「一年之中飛嚟飛去好多轉，唔係樣樣嘢都帶得走」
服務式住宅咁多間，到底揀邊間好？
以下將會為大家推薦5間性價比高嘅服務式住宅，有興趣租嘅不妨參考一下！
香港區服務式住宅
1. 奕凨
屬於朗廷酒店集團期下嘅服務式住宅，設計具現代感。
*為寵物友善空間，客人可以攜帶一隻貓/狗入住，重量上限為10kg，要另外加付每晚$220及每晚$500按金。
地區：灣仔、金鐘
房間面積：2人客房為198呎，3人客房為252呎；有3種房型供選擇
廚房設施：房內設有獨立小廚房、微波爐、多士爐
客房設備：房內設有2合1洗衣加乾衣機、智能電視投影
其他設備：免費WIFI上網、公共露台、公共區域設有音響系統、外送洗衣服務
1個月月租價錢： $26,752起 (房租已包水、電，分別設有14晚及28晚長住優惠）
地址：灣仔峽道3-5號
2. The V
屬於較為罕見空間感大服務式住宅，房型偏大，設計較為摩登。
*房內設施均較為高級，例如廚具及床具分別使用Le Creuset及席夢思。
地區：銅鑼灣、灣仔、跑馬地
房間面積：230 – 1800呎；3種房型供選擇
廚房設施：房內設有獨立廚房、Le Creuset廚具
客房設備：設有私人露台、房間會每星期清潔2次，床鋪每星期更換1次
其他設備：免費WIFI上網、長租住客連月租車位、24小時保安系統、健身室
1個月月租價錢：$18,000起，短租及長租均需交按金
(房租已包水、電、管理費及其他雜費；租約最長為1年）
地址：怡和街9號 (Causeway Bay) / 銅鑼灣道25號 (Causeway Bay 2)
「住耐咗，愈嚟愈多物品要帶走」
九龍區服務式住宅
3. The Nate
有地點優勢，位處彌敦道及山林道交界。設計簡潔、具現代感。
*設有寵物友善房間，客人最多可攜帶2隻，重量上限為12kg；1隻寵物需加付每月$1,500。
地區：尖沙咀
房間面積：125-260呎，有5種房型供選擇
廚房設施：廚房為共用設施，設有6個電磁爐、多士爐、微波爐及廚具等
客房設備：設有空氣淨化機；房間每星期清潔3次，床鋪每星期更換1次
其他設備：免費WIFI上網、公共空間及露台、自助洗衣及乾衣服務、24小時住客及保安系統
1個月月租價錢：$13,500起（租約最長為1年）
地址：彌敦道175號
4. 海灣軒、海韻軒
屬於長實集團期下Horizon Hotels & Suites，交通方便，鄰近紅磡及黃埔港鐵站。如果需要經常性往返內地工作，呢間就啱哂啦！
*呢個服務式住宅以酒店+居為題，房間為家居式設計，比起一般服務式住宅更具家嘅感覺，適合一家大細居住。而且景觀優美，可以望到維港，落樓就可以去海濱長廊散步。
地區：紅磡
房間面積：600呎起，為兩房兩廳或三房兩廳套房式設計。
廚房設施：設有獨立廚房，設有雙門雪櫃、雙頭電磁爐及微波爐。
客房設備：設獨立冷氣系統、洗衣及乾衣機；房間窗戶可以自由開始。
其他設備：免費WIFI上網、穿梭巴士服務、時租及月租車位、酒店式會所設施、傢具電器維修服務、24小時住客及保安系統
1個月月租價錢：$17,000起（租金不包電費；租約靈活，半年續約1次）
地址：紅磡灣紅鸞道 8 號
5. 太極軒314
交通方便，位處油麻地，只需2分鐘就可到達佐敦港鐵站。
*設有嬰兒安全房間及寵物友善房間，每隻寵物需加付每月$3,000。
地區：佐敦
房間面積：410-1400呎，有4種房型供選擇
廚房設施：設有獨立小廚房、微波爐
客房設備：房間每星期清潔2次(只限平日)，床鋪每星期更換1次
其他設備：免費WIFI上網、公共空間及露台、自助洗衣及乾衣服務、24小時住客及保安系統
1個月月租價錢：$24,100起（房租已包水、電、管理費及其他雜費）
地址：彌敦道314號
「服務式住宅就係爭咗啲收納空間！」
四處出行租住，但物品太多點算好？
服務式住宅的確為喜歡或需要四處出行租住嘅你提供便利，但每次搬去下一個地點居住時，帶住太多物品係身真係唔方便，仲搬到身水身汗。有啲服務式住宅仲要無咁大地方收納，真係搞到「無路行」！為咗你每次搬屋嘅時候更輕便，可以用「上門儲存服務」將少用嘅物品存入倉，中途有需要都可以預約拎物品，配合你多變嘅生活模式。
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
