Skip to content

【雲石入門班】一文睇清雲石種類、價錢同保養方法!

雲石比人感覺高級、簡單中帶點奢華感,喺室內裝修方面一向都好受歡迎,亦常用於酒店、高級商廈及住宅等。雲石唔單單係得雲石紋咁簡單,當中有細分眾多款式,例如較常見嘅有「中花白」,而每個款式都係獨一無二。

與此同時,雲石喺日常保養上亦都相當花心機同時間,變相利用雲石作為裝修用材,預算亦會相對較高。想了解更加詳細關於雲石,又或者有興趣用雲石做屋企裝修嘅材料,不妨繼續睇落去!

  • 雲石係天然石,屬於大理石一種。顧名思義就係指有雲圖花紋嘅大理石。
  • 雲石來自沉積岩,由地下水溶解石灰等物質,逐層沉積而成。而雲石嘅紋理就係來自地下水中嘅雜質。
  • 雲石形成嘅主要成分為碳酸鈣,因而質地堅硬,但呢種成分一接觸到酸性就會溶解。

雲石因為係天然石,所以種類亦都相當多。雲石公司會按雲石紋理同顏色作分類,而每一塊雲石嘅紋理同顏色都係獨一無二。

常見10種雲石種類

1.卡撒灰

  • 產地:意大利厄爾巴島
  • 灰色帶有自然豐富、細膩紋理

2. 戴安奴

  • 產地:西班牙
  • 啡黃色帶有溫和及天然獨特紋理
  • 經打磨後色澤同亮度會相對突出

3. 紫羅紅

  • 紫紅色夾雜純白/翠綠色線條
  • 帶有中國式風格
  • 效果較高貴大方,大多用於酒店、會所或商用工程

4. 中花白

  • 較常見嘅雲石款式
  • 灰白色並帶有細密紋理

5. 西班牙米黃

  • 米黃底色中帶有少量幼身紅線紋理
  • 光亮度較佳嘅雲石款式
  • 呢款雲石又有細分為4個種類:常規米黃、紅米黃、閃電米黃、水印米黃。當中底色由淺白到深黑色都有,同時均帶有幼身紅線紋理。

6. 玫瑰紅

  • 珊瑚橙色帶有白色及淺粉紅色紋理
  • 使用效果較溫暖、柔和

7. 深啡網

  • 淺啡、深啡底色中混雜有淺白絲線,有如蜘蛛網狀嘅紋理效果
  • 立體感強、層次豐富、紋理晶瑩剔透
  • 屬沉穩風格嘅雲石款式

8. 利比亞灰

  • 淺灰底色中帶有深灰及淺白色絲狀紋理
  • 紋理相對較清晰、細膩;光度亦不錯
  • 屬簡約、樸素風格嘅雲石款式
  • 質地比其他雲石會較脆弱

9. 大花綠

  • 帶有唔同程度綠色紋理雲石,如淺綠、墨綠、蘋果綠等
  • 其紋理類像蛇狀,屬花崗岩類
  • 屬於大氣、沉穩風格嘅雲石款式;大多會用於酒台大堂

10. 塞爾維亞灰

  • 灰白底色帶有啡色紋理
  • 紋理相當清晰;容易打磨成高光度
  • 簡單、樸素風格嘅雲石款式;大多用於窗台位置

資料來源:新興雲石工程



正如一開頭講到雲石係天然石材,最大特點就係擁有獨一無二嘅天然紋理同顏色,愈趨少有嘅材料就愈能帶出輕奢華感。而家嘅現代室內設計風格都不時加入雲石作為全屋亮點,例如電視牆、訂製茶几、飯枱等從而打造屬於自己舒適又不失氣派嘅家居。

圖片來源:am PLUS Designs Limited

雲石工程報價參考

項目價錢
雲石磚物料:$70 – $250/呎
鋪工:$70 – $80/呎
雲石吸咀$400 – $800/支
雲石石材$70 – $200/平方呎 (以面積計)
$800 – $2,000/直呎(以寬度計)
雲石磨邊$20 – $100/橫呎
鎅水喉孔$50 – $100/個
鎅見光孔$400 – $1,000/個

*雲石工程報價當中仲會受 雲石種類、雲石安裝方式、加工方法、需要/不需要鎅孔;安裝或上樓費影響。



雲石最怕就係酸性,亦屬容易被侵蝕嘅性質,日常清潔只需要用清水。雲石喺安裝工程時經已塗上雲石專用嘅黏合劑、水晶蠟作為表面保護層。

如果想雲石狀態保持得更好,就需定期保養檢,打蠟、打磨、拋光等工序當然要交比專業人士去處理。如果見到雲石出現以下7種情況就需要做維護工程喇。

7種需要進雲石維護嘅情況

  1. 雲石表面失去光澤,變得暗啞及反射視覺效果

2. 雲石紋理出現色澤偏離,整體紋理有差別

3. 雲石表面出現裂紋,並有延伸情況

雲石-裝修-裝修倉

4. 雲石受到強酸/有害化學物侵蝕

雲石-裝修-裝修倉

5. 雲石表層/底層變黑及有擴散跡象;表面/後方有發黃銹蝕情況

6. 雲石表面出現反白、吐色/食色情況

7. 雲石經常受紫外光照射/潮濕天氣影響

資料來源:權力雲石護理公司



屋企個裝修用咗10年以上,睇咗唔少現代感嘅雲石室內設計,真係簡單得嚟又好Grand!終於下定決心將屋企翻新做輕奢華風格,翻新之前要開展大執屋工程真係唔容易!執完嘢可以放去邊?不如試吓用上門迷你倉,不論要存放小型物件定傢俬,都會有專人上門運輸。

上門迷你倉突破傳統迷你倉嘅限制,Spacebox隨存屋提供6、8、12、24、48或以上平方呎,可以不斷延伸你嘅倉存空間,每月都只係$499起,㩒入嚟拎報價。讓您入伙前享受無憂的存倉體驗,我哋都係您值得信賴嘅裝修存倉夥伴。