【夢想係乜】1個月開得6日嘅漫畫店收藏量推到上天花板

漫畫迷識睇一定係買一本本實物睇, 渣住手永遠都有感覺d。毎次出新一集, 都會經過報紙檔望一望有得賣未。但有時都想睇番以前某D大作? 搵番佢地出黎同大海撈針無分別? 本地就有漫畫收藏家,喺葵涌搞左間漫畫圖書館, 儲存左海量嘅漫畫, 免費提供1個地方俾人睇漫畫。

「夢想是不會擔心任何事情，起碼我曾經開過一間漫書店，我實現了我的理想，成不成功不重要」

古妮係書店老闆，亦都係漫畫收藏家。5年前就用左40萬積蓄, 租左個工廈單位開左呢間漫畫店- 「古妮之部屋」, 成為全香港剩餘23間租漫畫店嘅其中一間。即使宜家虧蝕已經超過80萬, 但佢都會堅持落去。

35歲嘅古妮希望盡佢努力支持到「古妮之部屋」

宜家古妮打緊2份工，放假先番去開鋪，所以「古妮之部屋」一個月只會開6天。目的都係想支撐書店嘅支出。咁辛苦為乜? 為嘅就只係一個夢想, 可以免費提供一個地方俾任何人坐低睇漫畫同交流, 唔想自己人生有任何後悔嘅事，呢D就係「青春」。

漫畫放曬喺枱到俾人睇，只要唔拎走，一蚊都唔會收

漫畫店佔地面積大約四百呎，總共分兩間大房，而2間房之間嘅走廊都擺滿漫畫，全部都係古妮嘅珍藏。但咁多漫畫, 間鋪遲早都會爆啦? 所以, 「古妮之部屋」一般兩至三個月就會「開倉大特賣」減價一次。目的一黎俾漫畫迷去掃貨, 二黎就係想騰出更多空間去收藏其他珍藏漫畫。

走廊嘅漫畫已經堆到上天花板

宜家D漫畫家好唔掂檔識收藏一定收藏舊漫畫

古妮表示宜家嘅漫畫題材好普通, 太過表面。全部都係打打殺殺, 打完A就打B, 最後打大佬。諗諗下, 佢都講得幾岩。其實，小編都係一個漫畫迷, 諗起唔少漫畫都係跟住呢條Formula, 例如「火影忍者」都係不斷打完1個又1個，最後就唏呀唏呀唏咁開心大結局。

佢亦表示以前嘅漫畫故事係有結局性，會帶俾讀者一D意思, 呢個亦都係佢鐘意收藏舊漫畫嘅原因。所以, 佢好珍惜每一位上黎佢鋪頭志同道合嘅書友。

古妮之部屋

地址：葵興工業街10-14號華發工業大廈25樓01,E單位（顯示地圖）
開放時間：預先致電查詢
查詢：6626 2643
Facebook：古妮之部屋

漫畫迷最佳之拍檔－上門迷你箱

如果你都係漫畫迷，但發現屋企儲存左好多睇完仲好新，又唔捨得賣出去，擺喺屋企又阻住好多空位嘅情況。不如考慮用呢個漫畫迷神器－Spacebox隨存屋上門迷你箱，只要將全部珍藏放曬入上門迷你箱，㩒個制就有專人上門收箱入倉。 1個箱可以載到最少100本漫畫（上限25KG)。如果想有時拎出黎睇下或轉售？㩒個制就有人送番上門，以後收藏漫畫就係咁簡單。