喺今時今日呢個世代，雖然好多紙媒同埋書嘅印刷量都下降或者轉型做線上，但實體書或者漫畫都仲有一班追捧者，不但有收藏價值仲係畀自己離開個手機、電腦芒，享受實實在在揭書個種「儀式感」。但要維持「紙」呢種媒介處於良好狀態都有一定耐心同技巧，今次小編集結幾個書本保養方法介紹畀大家用！
1. OPP透明書套
書本保養最易遇上紙張發黃，紙張會發黃最主要是因為空氣氧化作用。而最直接嘅解決方法就係阻隔紙張同空氣嘅接觸。
介紹大家一個低成本嘅方法，就係用OPP透明書套。用OPP書套直接將成本書包起，不單減少同空氣接觸，仲可以阻隔灰塵掉落書本。OPP呢種膠面書套係清潔時都可以用濕布輕輕拭擦，方便打理。
不過呢個保養方法就預計要買定唔同嘅呎吋書套去配合書本嘅大細，同比較適用收藏少翻閱嘅書本。
2. 書本垂直擺放
對書本保養最佳嘅擺放方法就係：垂直擺放。垂直擺放可以避免書本受到不必要嘅壓力引至變形。
水平擺放會因書本嘅自身重量令下方嘅書受到擠壓，日積月累下，下方嘅書有機會出現屈曲或影響封面和頁面的完整性。
坊間仲有新式U型設計嘅書托，唔怕拎走一本書後其餘書本就係「東歪西倒」。
3. 注意防蟲
小編睇過一篇訪問係關於「書醫生」— 書籍修復師李瑞雲 (Jennifer)，防蟲方面佢建議可以喺書架或書櫃內放天然乾薰衣草包、不含化學成分嘅樟木條或樟木丸。假如覺得樟木條或丸開始失效，可以浸落有防蟲功效嘅雪松油（cedar oil）一段時間，待風乾後再使用。
資料來源：《明報》「書醫生」5招除塵抗菌 愛書不怕「着潮」生病
你亦可自製中藥驅蟲包，將花椒粒、冰片或黃柏片擺入小布袋，再放入書櫃角落，低成本又容易製作。
4. 乾燥且無陽光嘅存書環境
書本長期接觸陽光或強烈燈光容易導致褪色。存書環境必需遠離直射陽光、選用溫和照明燈光及避免使用散發紫外線嘅燈膽，都可以延長書本封面嘅色彩。
而係香港書本另一個大敵就係潮濕喇，受潮嘅書本可能會出現書斑、封面黏連、波浪紋等問題。最理想就係喺儲書空間開冷氣或者抽濕機，確保環境有一個穩定嘅濕度。
5. 書本存入迷你倉
將好耐無睇嘅書存入迷你倉係一個最便捷嘅書本保養方法，因為迷你倉正正提供咗一個24小時控制溫度嘅環境，將書本入晒儲存箱後更防止陽光直射，做到利於儲存書本嘅環境。
將存書空間延伸到迷你倉仲可以幫屋企書櫃騰出更多空間。
而家搵Spacebox隨存屋「上門儲存箱」每月每箱都係$49起，仲有專人上門收箱，幫你送埋入倉，有別於傳統迷你倉需自行安排運輸同搬嘢入倉。
用咗以上5種書本保養方法，一眾書迷又可以繼續搜羅世界各地嘅書藉，製作屬於自己嘅書庫！
「終於搵到地方擺我啲書喇！」
