千奇唔好睇小自己嘅小蝸居呀，只要喺每個細節做多小小，小蝸居都可以住得好舒服。今次就過住5招俾大家先，袋住去改造自己屋企嘅空間感啦！
Tips 1: 牆身選擇淺色
牆身顏色係絕對會影響住戶對屋企嘅觀感，例如你選擇咗深色去做牆身，其實會令人感到好有壓迫感。
所以，建議牆身選擇淺色，咁樣可以反射更多光線，令屋企空間感大D寬敞D。揀咩淺色好？其實除咗大眾經常選擇嘅奶白/米黃色之外，都可以考慮近年好多人選擇嘅淺灰色。
Tips 2: 床底加建地台
喺床下面加建儲物地台，盡量利用屋企每一寸位置。而屋企少用嘅野就可以放入地台下面，唔洗全部野擺曬係廳。
如果嫌一級地台做唔到D咩儲物效果，可以選擇加建兩級地台，大大提高儲物空間。
Tips 3: 趟門代替扇門
可能大家都有遇過呢個情況，就係每次開廁所門入去沖涼時，都要左閃右閃先入到去。原因係香港一般屋企都係用扇門，廁所已經夠細，仲要預留一定面積嘅扇門開門位置。所以，建議廁所門可以轉成趟門，可以減少廁所空間流失。
Tips 4: 多利用玻璃「偷光」
香港小蝸居好多時都唔夠光猛，而窗嘅數量亦唔多。所以，除咗用燈去照光屋企，建議屋企可以喺唔同位置加裝氣窗、轉做磨砂玻璃趟門等…盡量增強屋企透光度。
Tips 5: 善用上門儲存服務
市面上除咗大家熟悉嘅「迷你倉」，其實仲有種叫「上門迷你箱」儲存服務，例如Spacebox隨存屋。只要你填番簡單個人資料後並建立帳號，就可以預約時間去叫專人送上「迷你箱」到你府上。當你執好曬d野入箱後，就會有專人幫你搬番入倉。
假如下次想出倉拎番d野，都係登入番自己帳號，預約番個時間就會有專人上門送番指定嘅「迷你箱」到你府上，就係咁簡單。
選擇「6個月或以上」嘅儲存服務計劃， 每2個月仲會有一次免費運輸，而當中月費係已經包括免費保障（1個箱最多$1,000）。有興趣不如Click入黎睇下啦！
（圖片來源：經濟一週, 香港討論區, 經濟日報, 頭條日報, cutv)
