好多人鍾意日本無印良品嘅家具，因為簡約風格可以帶嚟一種平靜舒適嘅感覺。但係，喺香港咁細嘅居住空間，全屋都塞滿嘢，要打造無印風格嘅家居，唔係咁容易。不過，我有妙計，可以幫大家一步一步實現夢想中嘅無印風格家居。
無印家具以「自然素材」為材質
無印家具嘅設計理念係「沒有不必要的物品和裝飾，僅僅留下真正必要的東西」，希望屋企嘅物品同家具唔需要太複雜，追求實用性同簡約美學，就可以創造一個舒適又有品味嘅空間。
當中無印最常用嘅三大元素就係木材、棉、麻，所以你去到任何一間無印門市，都會留意到大部分家具都圍繞住呢三大元素。無印家具同時會亦配選高質量嘅原材料，例如實木、不鏽鋼、鋁合金等，呢一類型嘅材料具有一定耐用性，可以保證家具品質同使用壽命。
無印家具應用靈感：
木：地板、大型家具（餐桌，茶几，衣櫃等）、床架
棉：窗簾、咕𠱸套、床上布藝用品
麻：地毯、沙發套
無印家具示範案例
無印家具除咗擁有簡約時尚感，同時亦有一定嘅儲物功能性，有效咁配合香港一般300至400呎（2至3人家庭）單位嘅室內設計。
以馬頭圍煥然懿居兩房420呎單位，三人家庭為例。呢個單位最大特點係用橡木層架組成客廳特色牆，具備鞋架、儲物架同電視櫃功能，再配合長型客廳設計，其劃一嘅框架有助增加視覺上嘅統一性，室內收納空間更由玄關位引申至客廳，唔會浪費每一呎空間。
業主為咗擺放橡木層架後，家庭成員依然有足夠嘅活動空間，業主特意向無印良品訂製咗呢款四呎長（約122厘米）橡木餐檯同相應尺寸嘅長櫈，當中會較標準尺寸（140/180厘米長）餐檯較細，可以節省空間。
牆身方面，就揀選大地色為主色，唔單只配合無印嘅簡約風格，更可以營造溫和嘅氣氛，有助放鬆心情。
（文章轉載於：無印良品家具配置個案 https://www.muji.com/hk/compactlife2020/case8.html）
客廳示範所使用的無印家具：
（產品圖片轉載於：https://www.muji.com.hk/zh/category.php?c=003&id=110）
無印家具除咗適合改造客廳空間感，相對較細嘅睡房室內設計亦都可以充份實現無印風。接住就分享另一個夫婦兩人家庭嘅睡房設計案例。
呢個睡房案例繼續貫穿無印家具簡約而多功能嘅特色，衣櫃採取開放式組合層架，選用鋼架支撐，再配木板增強穩定性，並以棉麻儲物籃同膠箱取代抽屜，夫婦可以根據物品大細而有唔同組合嘅儲物方式。係顏色選用方面，佢哋選擇咗淺色調嘅寢室布藝，再配襯番米白牆身，令間房嘅感覺更統一同舒服。
（文章轉載於：無印良品家具配置個案 https://www.muji.com/hk/compactlife2020/case1.html）
睡房示範所使用的無印家具：
（產品圖片轉載於：https://www.muji.com.hk/zh/category.php?c=003&id=110）
最強組合：無印家具配合上門儲存服務
香港蝸居空間有限，即使好似上面提及嘅馬頭圍煥然懿居業主，屋企用咗擁有大量儲物功能嘅特色牆，但都未必夠擺哂全屋家庭成員嘅物品，擺到全屋都係雜物，最終都打造唔到果種簡約無印感覺。
點算好？推薦大家用上門儲存服務，客人可以將屋企少用嘅嘢擺入倉，而常用嘅嘢就留番係屋企，透過無印家具好好整理屋企嘅儲物空間。呢種上門儲存服務有別於市面上嘅迷你倉，客人只要用手機預約，佢哋最快第2日就上門提供儲存箱執嘢，客人可以將需要存倉嘅物品擺哂落去，執好後佢哋再有專人上門收箱送入大型倉庫。
收納時可以將少用嘅物品分季節性和收藏性兩大類：
季節性：抽濕機、暖爐、羽絨、夾棉被、露營裝備、戶外運動裝備、派對裝飾品等
收藏性：相簿、唱片、模型手辦、漫畫、畫作等
呢種服務嘅收費亦比迷你倉更靈活抵用，用幾多箱就收幾多月費，以Spacebox 隨存屋為例，1個標準儲存箱，每箱月費只需$49起，4-5個儲存箱已經騰出好多生活空間。屋內物品數量大大減少，再配合無印家具，空間感、簡約感自然出哂嚟。
