共居空間 (co-living space) 呢個名詞大家有冇聽過？可能喺香港會係比較陌生。聽落有啲似hostel又有啲似劏房？小編將會為大家拆解種種對共居空間嘅迷思，共居空間仲可能係新一代搬出嚟住嘅新選擇，再畀多一個出路年輕一代展開獨立自主生活。
- 共居空間 (co-living space) 係咩？
- 返到屋企仲可以識新朋友？
- 共居空間 (co-living space) 啱唔啱我住？
- 推薦2大共居空間 (co-living space)
- 想幫帶唔走嘅物品搵埋「共居空間」？
共居空間 (co-living space) 係咩？
共居空間 (co-living space) 呢個概念係由丹麥建築師Jan Gudmand-Hoyer於1960年代提出，第一個正式出現嘅共居空間係1970年代位於丹麥哥本哈根嘅Sættedammen，而一個空間要符合以下四大原則先可以稱為共居空間：
- 由住戶參與居所的設計過程
- 共享房屋及共同擁有設施及土地
- 擁有鼓勵居民間互動嘅建築設計
- 協同社區管理，促進鄰里間感情及交流
返到屋企仲可以識新朋友？
環境同經濟環境轉變下，現代嘅共居空間已變成唔同背景嘅人士去租用同一個單位。
喺單位入面大家可以一齊共用多樣資源，例如：
- 廚房，一齊煮飯仔，分享菜餚
- 客飯廳，唔一定要屈喺房獨食
- 閱讀室，睇完書可以交流下閱讀心得
- 娛樂空間，如小型party room，一齊打機、睇戲
- 運動房，做gym有buddy就唔怕冇動力啦
- 聯誼廳，做嘢、傾偈嘅好地方
大多共居空間都會定期舉辦不同活動供住戶參與，藉以促進住戶間感情及打造良好嘅鄰里關係。
共居空間 (co-living space) 啱唔啱我住？
近幾年香港開始有較多共居空間出現，規模及環境都相當唔錯。有考慮要租樓自住嘅，其實都可以考慮一下租用共居空間。
| 共居空間 | 租樓 | |
| 目標客群 | 年輕、有預算單身人士 | 視租盤而定 |
| 租金 | 較貴，租金已包水、電及上網費等 | 較平，租金未包其他雜費 |
| 租約 | 可短租或長租 | 一年起跳(一年生約+一年死約) |
| 服務 | 每週執屋清潔、傢具維護服務等 | N/A |
| 設施 | 房間裝修精緻，已有必需傢私 | 視乎租用單位及租約而定，部分設有會所 |
| 好處 | ．租約靈活，唔會被租約綁死 ．即租即住，免卻裝修及裝置傢具費用 ．位置大多於交通配套完善地點 ．免卻做家務煩惱 ．管理員會提供維護服務 ．可以擴闊社交圈子，增廣見聞 | ．平均呎價較低 ．全為私人空間 ．傢電、裝修風格可自己決定 ．可養寵物 |
| 壞處 | ．租金相對較貴 ．由於設施為共用，有時不能即時使用 ．睡房空間較細 ．欠缺置物空間 | ．租約不靈活，提前結束合約需賠償 ．單位維護需靠租客及業主共同努力 ．簽約時需一次交付兩按一上 |
網絡資訊科技發達下，鄰里同人際關於日漸疏離。長大後想擴大社交圈，認識唔同背景嘅同世代人士真係有一定難度。共居空間正正可以打破呢個難題，現時不少共居空間會於住所內提供大量共用娛樂或交流空間，如娛樂房 – 可以一齊打ps5、一齊唱K等等。而管理員亦為定期舉辦聯誼活動比住戶參加，如瑜珈班、晚飯聚會等。
「想開展一個全新嘅居住模式！」
推薦2大共居空間 (co-living space)
一開始聽到要同人Share生活空間好似會有好多疑慮，小編幫你精選咗兩間共居空間，等你可以放心入住。
1. Weave Studio – Kowloon West
地址：大角咀道86號
- 屬於Weave Living旗下，於香港擁有多個服務式住宅及共居空間
- Kowloon West 位於大角咀，鄰近港鐵奧運站及旺角站
- 設計簡約，但用色鮮明，帶點北歐感覺
- 想購入日常用品/買餸煮飯亦相當方便，共居空間附近有不少超市及街市
- 此共居空間共有3層，內設不同共用空間及娛樂設施供住戶使用，並設有天台
- 共有5種房型，最細房型為150-160平方呎，最大則為351平方呎
- 租金每月為1,5000起，長租及短租價錢會稍為有別，最短可以只租一晚/一個月
2. OOOTOPIA 活托邦 – 大角咀
地址：大角咀晏架街8號
- 活托邦於香港擁有3個共居空間，分別位於大角咀、啟德及西營盤
- 位於大角咀嘅共居空間，鄰近港鐵奧運站及旺角站
- 設計偏向和風，以木系色調作主導，有房型為榻榻米(tatami)式設計
- 雖然位置較近工廈，但鄰近亦有不少小店、超市及餐廳
- 此共居空間共有7層，1樓為共用空間，住戶可於該地方工作及與其他住戶交流
- 共有5種房型，最細房型為166平方呎，最大為248平方呎
（推薦文章：【港漂合租必睇】 一文睇清合租4大要點！點搵合租好室友？）
「隨行物品，一切從簡？」
想幫帶唔走嘅物品搵埋「共居空間」？
而家嘅生活模式千百種，共居空間的確幫到你實現擁有個人空間嘅願望，Weekend唔出街又可以留係度同鄰居聯誼，識新朋友解解悶。隨住時間嘅推移，添置嘅物品愈嚟愈多，考慮到共居空間未必係你最後嘅落腳點，又有可能隨時離港邊工作邊探索世界，係時候要搵個地方擺少用嘅物品入去，簡化你嘅隨行物品！
而家新興嘅「上門儲存服務」會成為你物品存倉嘅好選擇，第一次聽？睇埋條片就知點幫到你！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
