里數換機票就聽得多，廚餘換日用品又試過未？！廚餘呢個字大家都唔會陌生，近十年嚟政府同其他環保團體都積極推廣廚餘回收再用。由最初教大家要惜食、利用屋企廚餘發酵作肥料用途，去到回收商業廚餘。最近政府透過綠在區區計劃，喺全港114個地點設立嘅廚餘回收機唔知大家又知幾多呢？
廚餘點先叫廚餘？
廚餘係指所有喺製作食物、分發、貯存同預備膳食，或者用餐過程中產生嘅棄置物。當中包括生同熟嘅食物，以及可食用同不可食用部份。
點解要做廚餘回收？
廚餘現時佔香港固體廢物近30%，係最大嘅垃圾種類，每日棄置量近3,000公噸。將廚餘棄置喺堆填區，除咗佔用咗寶貴嘅堆填空間，同時亦浪費咗廚餘當中有用嘅有機物質。廚餘回收正正可以利用到廚餘，又可以減少垃圾量嘅有效方法。
廚餘回收大法 – 4個步驟逐個睇！
- 第一步：分類
圖片來源：香港減廢網站
廚餘喺進行回收前，同回收其他物品一樣都要先進行分類及處理。
可回收廚餘：生、熟、吃剩或變壞的食物（肉類、海產類、蔬果、穀物，其他如茶葉、咖啡渣、湯渣、中藥渣、蛋殻、甜品、麵包及寵物食品等）
不可回收廚餘：非廚餘物質、過硬/過大，以及過多水份食物
- 第二步：妥善貯存
廚餘分類好後，先用篩先隔走多餘水份，後將廚餘放入可重用器皿妥善貯存，如防漏玻璃餐盒等。咁就可以方便帶去智能廚餘機作回收啦！
- 第三步：利用智能廚餘機進行回收
圖片來源： 政府新聞網
- 先下載「綠綠賞」應用程式
- 掃描「綠綠賞」中嘅回收二維碼
- 廚餘回收機頂門打開後，可以將廚餘放入機內。當廚餘量達100克後，機頂門會喺約20秒後自動閂門。
- 回收完成後，積分就會自動儲入「綠綠賞」戶口中
- 第四步：綠綠賞儲分換日用品
圖片來源：香港減廢網站
廚餘回收每日可以得到50積分，儲夠積分後可以喺指定公共屋邨禮品兌換機/任何一個「綠在區區」回收點，用積分兌換日用品或者食物，如廚房紙、粉麵、鹽、米及芥花籽油等。
「準備開始回收新習慣，又或者睇吓執屋新方案」
廚餘回收後會點處理？
政府最近透過綠在區區計劃，喺全港114個地點設立廚餘回變收機，供市民自發作廚餘回收。
廚餘回收會運往O．Park – 香港首個有機資源回收中心，現時O．Park每日可處理200公噸廚餘。
- 利用厭氧分解技術將廚餘轉化成生物氣，供O．Park作發電用
- 過程中產生嘅殘餘物則可轉化為堆肥用副產品
廚餘回收點就係你附近？
智能廚餘機分別設置喺港九新界114個公共屋邨及部份私人住宅樓宇，而另外亦喺「綠在深水埗」同「綠在東區」都有設置公眾智能廚餘回收機。想更加清楚知道邊個地點最近自己，就可以參考一下「回收互動地圖」！
廚餘回收要分類好麻煩？
廚餘回收對部份人黎講可能都仲係件陌生事。最初做嘅時候都可能會覺得麻煩，日常生活已經好多瑣碎事要處理，仲要每日做廚餘分類，再落街回收？
想慳時間但又想環保啲嘅你，可以考慮入手一部家用廚餘機！想知更多關於家用廚餘機，不妨睇下上一篇文章！
「執屋、打理屋企都要識得分門別類！」
廚餘回收既慳錢又有著數，原來呢個方法都慳到錢？
唔知大家有冇諗過要喺垃圾徵費實施前，做一次大型執屋行動呢？因為垃圾徵費入面，所有大型垃圾都要貼上一個$11嘅標籤，而小型垃圾價錢則根據膠袋大細而定。喺執屋期間，實會有心大心細嘅時候，暫時決定唔到物品去留？不妨利用「上門儲存倉」，將心愛物品暫時住倉，咁就一舉兩得啦！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
