【廚餘機2024推薦】家用廚餘機入門必睇！邊款廚餘機最好用？

垃圾徵費計劃雖然政府宣佈推遲到8月先正式實行，但廚餘回收同用廚餘機對於大家嚟講係一個全新嘅生活習慣。大家有冇諗過提早買部廚餘機番屋企，開始將回收廚餘融入日常，研究定部廚餘機點用，到時做回收就唔失禮，仲可以慳番買指定袋嘅錢！繼續睇埋落去為響應環保作好準備！

廚餘機係啲咩？

廚餘機(家用版)屬於小家電，專門用作處理廚餘。廚餘機可以將食物殘渣、果皮、蔬菜殘餘等有機廚餘進行分解及堆肥，並將其轉化為肥料。

廚餘機原理係利用微生物將有機廚餘進行分解。喺分解過程裡面，有機物質會被分解成小分子，並會同時釋放出熱能同二氧化碳，而呢啲分解產物正正就會係肥料。

廚餘機除咗減低垃圾量，同時亦可以減低蚊蟲果蠅孳生。不過處理廚餘過程中多多少少都會產生異味，雖然可以利用活性碳黎減低廚餘味道，但未至於變成完全無味。

廚餘機主要可分為「乾燥式」、「生物降解式」、「粉碎型」同「多合一型」，以下將會作詳細解釋。

圖片轉載於：小胖盈的花椒人蔘

種類	乾燥式	生物降解式
原理	– 利用熱能或送風去烘乾廚餘中嘅水分 – 只要幾個鐘就可以將廚餘攪碎，減少廚餘體積	– 利用微生物將廚餘分解成水及二氧化碳 – 處理時間大概要4-20個鐘
優點	– 短時間內縮減廚餘體積 – 並能去除廚餘味道	– 無需用電 – 無燥音問題 – 廚餘經處理後可直接作肥料用途
缺點	– 耗電量高 – 較嘈吵 – 較易產生食物燒焦味道	– 處理時間較長 – 分解過程中亦容易產生異味 – 不能處理硬物，如骨頭、果核等 – 機身面積較大

圖片轉載於：明報《「攪」「烘」「解」迎垃圾徵費廚餘機鬥細鬥快鬥慳電》

種類	粉碎型(俗稱:鐵胃)	多合一式
原理	直接連接喺鋅盤下方，只要將廚餘直接倒落去，就會粉碎成顆粒狀	– 大多兼具2種以上嘅處理能力，多為乾燥式及生物降解式。 – 利用專用嘅發酵基材同廚餘混合，再烘乾以加速發酵時間。
優點	– 慳位 – 處理時間較短 – 硬物亦能輕鬆處理	– 處理時間較短 – 耗電量較低 – 廚餘經處理後可直接作肥料用途
缺點	– 較嘈吵 – 需請師傅安裝	– 體積較大 – 發酵過程會有異味 – 價錢較高

「喺垃圾徵費下，點樣可以減少浪費？」

⇢ 抌定唔抌？

睇完上面嘅介紹，應該都增加咗對廚餘機嘅認識。但到底入手廚餘機前有啲咩條件係要考慮？

以下有4大選購準則比大家參考：

廚餘機並唔係每一種都可以處理哂所有種類嘅廚餘，有部份係唔能夠處理硬物；有部份則不能將處理物直接作肥料使用。

廚餘機嘅機身體積愈大，可以處理嘅體積亦愈多。所以可以因應獨居/一家人，以及屋企嘅廚餘量作決定。

廚餘機有2類需要用電，買嘅時候除咗要留意能源標籤，亦可以睇下廚餘機本身有冇慳電模式/可以手動攪拌。而噪音方面則留意一下廚餘機有冇靜音功能，或者有冇標明運作時所產生嘅噪音分貝量。

購買廚餘機前除咗考慮機價外，其實都要考慮埋日常嘅維護成本，例如「乾燥式」會增加電費，「生物降解式」則需要購買酵母菌等。

「處理廚餘就搵到方法喇，咁執屋呢？」

⇢ 家居整理方案

種類：乾燥式
體積：35(H) x 34.2(W) x 26.3(D) cm
容量：28.9L(最大容量10L)
安裝服務：N/A
特點：採用專利Vortech™渦流粉碎科技，雙倍大扭力摩打設計，配售環狀鋸齒下，可以粉碎堅硬廚餘，如豬骨、羊骨、海鮮殼及果核等)；廚餘機內桶為耐用鑄鋁材質搭配食品級陶瓷塗層；配有一鍵清洗功能。
購買渠道： The Club / Amazon / Searching C
價錢： $3,980 – $4,280

內容及圖片轉載於：Searching C