鐘點清潔為一班繁忙工作嘅香港人提供便利又或者身體不佳嘅人可以搵人代勞做家居清潔。現時嘅鐘點清潔服務亦愈趨專業，會傾向聘請擁有家務助理證書嘅僱員，令到即使係鐘點性質都有一定嘅服務質素。搵鐘點清潔之餘，配合埋上門儲存箱服務，就可以更有效管理家居環境。
請鐘點清潔都要做好心理準備？
而家想請到一個啱心水嘅鐘點都唔係咁容易，除咗睇佢清潔得乾唔乾淨，仲要睇埋有無責任心。係唔同平台都會搵到好多人分享請鐘點遇到嘅問題，小編今次揀咗幾個熱門例子畀大家參考吓。
- 臨時失約
僱主們請鐘點好多時都因為屋企個外僱姐姐放大假、新年前大掃除或者裝修後大清潔，想以短期形式搵人做鐘點清潔，好多時只會用電話、WhatsApp同鐘點約時間。正正因為只有口頭協議，到清潔當日一句「有事」就「放飛機」唔嚟。
- 遲到早走或者「揼波鐘」
成功約到鐘點做清潔都未必係指定時間中工作。例如僱主約鐘點服務三小時，話自己快手用兩個半小時就完成清潔，但時薪就計番三小時，令僱主感到不值。
另一種情況就係放慢手腳「揼波鐘」，僱主稱屋企少於400呎，但吸塵、拖地已經用咗兩個鐘；洗五、六隻碗碟同抹爐頭又一個鐘，變相好多要清潔嘅地方都做唔到。鐘點嘅工作態度令到僱主都「嬲嬲地」。
- 做嘢手腳比較粗魯
有啲鐘點做嘢會比較粗魯，有僱主分享鐘點清潔時會嘭門，畀佢嚇親。用吸塵機個陣又會太大力撞去牆腳位，撞壞部吸塵機。甚至有僱主試過被整爛部Dyson，但鐘點又無出聲話佢知。
以上幾種情況都令好多僱主對請鐘點一事感到無信心，口碑好嘅又成日Full Booking，有啲僱主更直接話：「我請鐘點十年，只能講睇彩數」，除咗請鐘點，而家都多咗執屋整理新方案。所以建議大家請鐘點最好就係用配對平台，平台不單有鐘點過往工作經驗可以參考，好多仲受過家務助理訓練，提升家居清潔質素。若果畀鐘點「放飛機」都有客服幫你安排後補人手。
圖片來源：《晴報》僱員再培訓局500家務助理 大掃除時薪$130起
鐘點配對平台價錢比較
鐘點或家務助理時薪大多以$100起跳，主要分為單次/短期服務或者固定恒常服務。工作內容的複雜程度和時段都會令到鐘點時薪會上調，例如要留意愈近旺季（如：農曆新年前）收費愈高，若屬偏遠地區（如：村屋）都會有額外收費。而今次揀咗幾間較出名嘅鐘點平台進行價錢比較，比較項目為最常用嘅基本清潔服務。
住宅基本清潔服務價目表
實際費用視乎服務地區、家居呎數、服務內容等而異，以上服務費用僅供參考。
圖片來源：《香港01》 樂活一站家務助理｜時薪加8%至最高$160 家中兩處最易藏污務必注意
「日常整理屋企仲有咩方法？」
收納家居物品，屋企更加企理！
搵鐘點做完大清潔都未夠？想間屋更加企理，可以用埋上門儲存服務收拾家居物品！可以畀你有更多空間長期儲存小朋友長大後好耐無玩嘅玩具、圖書、滑板車、唔再用嘅BB車、BB床等等，好好咁儲存呢啲物品話唔定過多兩年又有用武之地，物品狀態保持良好都可以轉讓畀其他新手媽媽用。
上門迷你箱服務究竟係咩？
而家「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
用迷你箱仲唔洗擔心個倉會唔會好遠，因為呢個係點對點上門收箱運送，車隊服務範圍遍佈港九新界，而且更涵蓋偏遠地區，例如：愉景灣、沙頭角，唔洗再call車，慳咗好多時間同車錢。
「用埋上門迷你箱，屋企變得更加企理整齊😉！」
從此以後出少少力執好嘢，之後就有上門儲存服務幫你輕鬆搞掂入倉！如果有更多、更大型的物品需要長期儲存，不妨考慮使用上門迷你倉，仲有專人為你免費報價！
