成功「上車」置業當然開心，但買樓咁重要嘅人生投資，梗係唔會好似買棵菜咁簡單。當買家俾咗錢、買入心水單位後，記得一定要驗樓！驗清楚房屋嘅品質及安全性，日後就住得安心又放心啦。到底驗樓有咩要特別留意？有咩地方一定要驗？常見瑕疵又喺咩位置？下文為你一一拆解！
新樓盤唔好錯過驗樓期
買一手樓係收到收樓通知書後，記得盡快驗收單位。萬一發現有任何問題，都可以趕係項目工程團隊清盤離開之前搵到發展商執漏，唔怕被拖延。
若發展商安排建築商進行維修，預計需時2星期至1個月，如果本身係準備舊屋搬去新樓，最好就一早將啲家居物品存入倉，以便應付延後嘅入伙期。
驗樓期間，買家可以聘請坊間嘅驗樓師。特別要留意嘅係，因為香港暫時仲未有一套認證驗樓師嘅系統及制度，所以買家喺選擇驗樓師之前，記得要了解清楚佢嘅背景，揀一位有豐富經驗、可信賴、有口碑嘅專業驗樓師。
一手樓驗樓要準備幾多預算？
搵驗樓師驗樓通常都會以單位實用面積報價並設有最低消費，平均呎價處於$3-4，詳細可以參考以下價目表。
| 公司名稱 | 單位面積（呎） | 最低消費 | 平均每呎價錢 |
| 壹加壹驗樓網 | 250呎或以下 350呎或以下 450呎或以下 450呎或以上 | $1,000 $1,200 $1,400 $1,400 | $4 $3.4 $3.1 $3 |
| 沛思驗樓公司 | 400呎以下 400呎以上 | $1200 N/A | $3.5 – 4 $3.5 |
| 信誠專業驗樓 | N/A | $1500 | $3.5 |
| 香港公正行 | N/A | $2400 | $3.5 |
| 銀晉顧問及公正行 | N/A | $4000 | $4 |
「舊屋搬新屋，仲搵緊暫存倉？」
驗樓師上到樓會驗啲咩？
驗樓師畀人最大印象就係拎住伸縮棒（空鼓錘）左敲右敲，又貼到全屋都係便利貼，究竟驗樓師上到嚟新樓單位會驗啲咩，睇埋下面精選8點注意事項就可以學多啲啦！
驗樓常見注意事項
| 驗樓注意事項 | |
| 房屋結構 | 檢查主力結構牆壁、樑柱、橫樑等，有無出現裂縫、變形 |
| 牆磚、地磚 | (i) 磚身表面有無裂痕、崩口 (ii) 一格地磚嘅空鼓率不應多於20% |
| 水電 | 測試水管、電線、插座等等，是否運作正常 |
| 地面 | 用水平儀去量度地板是否呈水平 如果地板有輕微傾斜情況，會影響日後擺放傢俬，甚至出現傢俬倒塌情況 |
| 窗戶 | (i) 窗戶周邊玻璃膠是否完整修口 (ii) 窗戶鉸位開合是否順暢 (iii) 窗戶旁嘅牆身油漆有否脫落或發霉 |
| 全屋門框 | 門框有無過闊空隙 例如空隙可以放兩個或以上硬幣，代表門框造工較差，可能需要更換 |
| 天花 | 檢查天花板角落有無漏水現象 |
| 潛在漏水位置 | (i) 廚房、廁所天花及牆身 (ii) 水龍頭安裝是否堅固 (iii) 長開水喉時，有無漏水 |
「執屋先知屋企咁多嘢，可以擺去邊？」
驗好樓終於準備入住，新入伙唔想間屋變到立立亂？
千揀萬揀嘅新窩居，終於做齊驗樓流程，完成埋「執漏」準備入伙！如果唔想間新屋變到立立亂，最緊要識得做斷捨離，但斷捨離唔一定係要抌嘢，可以係揀啲好耐無用嘅嘢擺入迷你倉。
而家除咗傳統迷你倉，仲有新興嘅「上門迷你箱」服務，無論係家居物品定收藏品，通通都可以放入迷你箱！將新屋執得整齊乾淨，迎接新開始就更perfect喇！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
「上門儲存服務可以派埋箱執嘢？」
