喺香港想買樓對唔少人黎講，絕對係件天方夜譚嘅事。但為咗有個安樂窩，大家都願意慳盡一分一毫去儲首期。將來會買樓而又係首次置業嘅你，對買樓必須做嘅壓力測試有幾多了解？
壓力測試係啲咩？無咗壓測借按揭仲有測啲咩？
壓力測試簡單黎講就係問銀行借錢買樓嘅前期考驗，係金管局2010年訂立。但2024-25年度財政預算案中，金管局宣佈將會暫停壓測要求。
唔計壓力測試，銀行會通過以下準則去評估你係咪有能力還錢。
一：供款與入息比率 (Debt-to-income ratio)，簡稱 DTI
係銀行用黎判定申請人有冇能力還錢嘅方式，只要供款唔超過每月收入嘅一半，就會獲批。
DTI點計？
簡單黎講，就係將每月供款(包括按揭、私人貸款、分期供款等)/每月收入x100%
首置只要供款不超過每月收入嘅50%；本身已有按揭或者做咗擔保人，再次借按揭買樓，供款就唔可以超過每月收入嘅40%。
二：壓力測試，金管局為收緊銀行批出按揭門檻而訂立
為避免申請人會因將來息率上升而冇能力繼續還錢，令層樓斷供而訂立嘅測試。
壓力測試分成兩種：首次置業人士 及 二次置業/非自用物業。
首置人士將每月供款額外加2%後，唔超過月入60%就可以。而再次置業人士除咗唔可以超過收入一半外，DTI亦會收緊10%。
不過財爺喺2024-25年度嘅財政預算案中宣佈將會暫停實施按揭的壓力測試要求，喺新安排下24年2月28日或以後問銀行借錢買樓就只會用「供款佔入息比率」呢個準則去評估還錢能力。
「執屋同儲首期壓力一樣大？呢鋪點搞好？」
問銀行借按揭買樓，按揭有分幾多種？點揀先啱？
銀行按揭可以分為浮息按揭同定息按揭兩種，浮息按揭係較為大路嘅選擇。
浮息按揭有兩種選擇：H按 及 P按
- P按
P按中P係Prime Rate（最優惠利率）嘅簡稱，銀行會係以此利率作計算而訂嘅計劃。而P按嘅利率喺聯繫滙率下，受到美國加息或減息而有所浮動。
*Prime rate亦有分為「大P」同「細P」，利率上會有些微差異，而香港3大主要銀行都係用「細P」，喺申請時都可以留意番！
- H按
H按中H係HIBOR（銀行同業拆息利率）嘅簡稱，以本地銀行互相借錢嘅利率計算而訂嘅計劃。銀行公會喺每日朝早更新當日嘅拆息比大家作參考。
定息按揭
定息按揭由香港按揭證券有限公司推出，旨在減低利率波動嘅風險，為買樓人士提供另類選擇。呢個計劃總共分為3個年期，10年、15年同20年，利率分別為4.99%，5.14%同5.29%。
*定息年期並非按揭年期，申請時要同銀行講按揭中有幾多年想做定息。而定息年期完結後，申請人可以揀繼續定息計劃，或者轉做H按、P按，甚至係轉按。
以上3種按揭計劃有咩分別？
| H按 | P按 | 定息按揭 | |
| 利率 | 相對浮動 但喺低息周期時，實際按息會較平。 | 相對穩定 利率變動比H按低。 | 固定 喺低息就無法享受低息供樓優惠。 |
| 封頂息率 | ✔️ | N/A | N/A |
| DTI要求 | ✔️ | ✔️ | ✔️ |
| 壓力測試 | N/A | N/A | N/A |
「執屋唔想愈執愈有壓力？試吓執屋新方案？」
儲首期、買樓、入伙仲有執屋啊！想執屋都通過壓力測試？
大家睇完應該對借錢買樓有個基本概念，亦建議搵相關專業人士作諮詢。買新樓前儲錢已經好攰，諗起搬屋前要執屋壓力大上加大？點解呢？執屋時總會有好多相對少用，但又好重要唔捨得扔嘅物品，點搞好啊？小編提供一個零壓力計劃比你，選用「上門儲存服務」，將心愛但又無位安放嘅物品存倉，咁就可以我全都要啦！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
