執屋打掃好似人人都做到、人人都識，但係咪人人都可以憑一己之力徹底執屋！？近年不論大小行業都追求專業化，連打掃清潔家居都發展出「家務助理」，一眾家務助理公司/平台更聚集持有基礎證書嘅人去為大家提供清潔服務，等你更容易搵到「對的人」分擔家務！
邊到可以請家務助理？
請家務助理除咗靠口耳相傳、熟人介紹呢類人際網絡方式去搵，線上化家務助理配對平台都變得普及喇！
最多人用嘅家務助理配對平台
- Lazy
- Helper Go
- 智舒適
- 家居易
- 樂活一站
另外係Facebook都可以搜尋到家務助理群組，可以自己發文招聘，因為係自己直接同家務助理溝通，期間話唔定可以遇到一位啱心水嘅家務助理，可以包月，唔洗再費心神去搵人。
家務助理薪金參考2024
作為僱主最關心必然係時薪應該出幾錢，小編係到幫大家整咗個薪金參考，等你即刻「心中有數」去請到相應質素嘅家務助理。
家務助理｜家居清潔2024薪金參考
| 服務地區 | 單次服務 | 長期服務 |
| 港島 | $125 – $135 | $105 – $115 |
| 九龍 (包括將軍澳發西貢) | $115 – $125 | $100 – $110 |
| 新界 (包括東涌) | $110 – $120 | $100 – $119 |
到傳統旺季時間農曆新年，家家戶戶都想請家務助理大掃除或者煮飯，工作量或內容比一般家居清潔更複雜，再者臨近歲晚準備收爐，家務助理時薪都會調高。
| 服務地區 | 大掃除 (2023年12月12日至 2024年1月31) | 大掃除 (2024年2月1日至 2024年2月9) | 煮團年飯 | 蒸糕 | ||
| 港島 | $145 | $165 | $150 | $100 – $120 | ||
| 九龍及新界 | $135 | $155 | $150 | $100 – $120 |
「有咩比家務助理更幫到手？」
請家務助理有咩要注意？
僱主制定合適嘅工作量
係請家務助理之前，首先要了解自己嘅需要，想家務助理嚟到係會做啲咩，工作範圍亦都要設定係合理範圍。例如：每次2小時，每個禮拜做一樣，今個星期2小時只清潔房間。僱主可以係助理返工前說明要求，或安排試工，衡量啱唔唔心水先再繼續聘用，減少雙方拗撬。
循道衛理中心人力資源發展主任馮芷瑩指，「有啲助理以為遲到、早走5分鐘好少事，但工作以時薪計，僱主會看在眼裏。」她又指，部分僱主未必了解清潔污漬嘅難度，或誤以為助理「手腳慢」或故意拖長時間。
資料來源：晴報
僱主須為家務助理買保險
根據《僱員補償條例》第40條，所有僱主必須投購僱員補償保險，以承擔僱主在法律(包括普通法)之下的責任，否則不得僱用僱員從事任何工作，不論其合約期或工作時數長短、全職或兼職、長工還是臨時工。故此，僱主必須為其所聘用兼職本地家務助理投購僱員補償保險。
家務助理會更加專業？
一眾僱主可能都會想知家務助理同普通鐘點有咩分別，最大分別係家務助理需要通過考試，而獲得證書。
而家不同嘅政府機構（港專ERB、勵行會等）都有開辦家務助理課程，課堂會教授：
- 家務助理行業簡介
- 清潔原理
- 環保家居應用知識
- 家居清潔、衣物處理及洗熨、烹調常識
- 照顧不同年齡人士
- 家居及職業安全
結合理論同實踐後，家務助理幫你打掃起上嚟時就更加專業又放心喇！
「家務助理＋存倉方案，執屋效果加成」
有家務助理幫手，執屋唔再隨隨便便！
執屋最緊要請到個啱心水嘅家務助理幫手，唔洗再憑一己之力打掃，執屋唔再隨隨便便！執屋個陣發現好多嘢唔捨得抌？仲可以用埋上門儲存服務，有家務助理幫手入箱，全個執屋過程就變得更加快喇！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
