垃圾徵費8月事在必行，萬一有大型傢俬要棄置，又要再畀多$11出嚟買標籤貼紙。又或者件傢俬仲新淨，直接拎去抌就太浪費喇。香港做傢俬回收其實都有10年，認識傢俬回收又有幾多人呢？而家已經發展到部分公司仲有提供上門傢俬回收，繼續睇落去了解多啲點樣做傢俬回收。
邊類型傢俬可以回收？
可作傢俬回收：
- 任何狀態良好及仍然可用嘅二手傢俬
- 磨損程度可接受嘅二手傢俬
回收返嚟嘅傢俬大多都有8至9成新，傢俬回收店會將狀態良好嘅傢俬再作二次出售，延長傢俬壽命又或者捐去有需要嘅基層家庭。
圖片來源：執到寶
不可作傢俬回收：
- 入牆櫃或定造嘅傢俱
- 非標準尺寸規格嘅傢俬
- 已拆除嘅傢俱
- 傢俱不能正常使用/運作（例如抽屜無法打開、趟門不能活動等)
- 組裝嘅物品組件不齊全
- 過於殘舊
- 體積大而不能拆卸嘅傢俱
- 螺絲氧化/滑啞而不能拆卸嘅傢俱
- 有明顯損壞之傢俱（例如沙發表面有破洞、地毯有凹痕、金屬生鏽等）
「想間屋Keep住整齊企理？」
上門回收傢俬要幾錢？
| 收費項目 | 收費說明 | 金額 |
| 交通費用 | (i) 荃灣、葵青、青衣 (ii) 港島、九龍、沙田、馬鞍山、將軍澳、元朗、屯 門、深井、馬灣 (iii) 粉嶺、上水、大埔、西貢、東涌 (iv) 愉景灣 | (i) 每次服務$150 (ii) 每次服務$250 (iii) 每次服務$350 (iv) 每次服務$450 |
| 大型重型傢俱 | (i) 闊度超過 3 呎的床架／衣櫃／抽屜櫃或任何需要 在搬運前先行拆除的傢俱 (ii) 任何重量大約超過 40 公斤的傢俱 | (i) 每件$350 (ii) 每件$250 |
| 步行上落 | (i) 輕的傢俱 （1 個人能夠搬運） (ii)中型傢俱（需要 2 個人搬運） (iii) (大型傢俱（需要在搬運前先行拆除的傢俱）或重 的傢俱（超過 40 公斤） | (i) 每件每層$50 (ii) 每件每層$80 |
| 與描述狀態不符 | 傢俱的描述與實際不符 | 搬運公司的搬運費用全數 |
「換新傢俬順便大執屋？」
香港5間傢俬回收公司推介
推行垃圾徵費原意都係想大家參與回收，將傢俬拎去回收公司都係一個相當唔錯嘅選擇。幫大家整合咗香港傢俬回收公司比大家參考。
1.執到寶
執到寶主要回收適用於200至500呎單位嘅傢俬，偏好回收小巧嘅二手傢俬，例如摺疊枱 、上下格床、高架床或組合床等等，5呎以內嘅傢俱更係佢哋首選！
佢哋對回收嘅傢俬會進行簡單清潔同修理，再影相擺上網站供買家瀏覽或下單。如果想睇真啲件傢俬都可以到店睇實物。
2. 家點綠
家點綠係一個專注於收集二手傢俬嘅組織，主要回收一啲現成指定呎吋嘅傢俱，例如：梳化、電視櫃、書架、大型衣櫃、床架、油畫，花盆，裝飾用品，廚房用具等。而且佢哋會將收集到嘅物品定期捐贈二手傢俬給香港的弱勢社群家庭，而其他則會在二手傢俬市場出售。
3. Happy Shop
Happy Shop現以全新形式嘅ECO-MOVE上門為客人處理傢俱，與一般搬屋清場服務不同。傢俬回收中有合適被翻新後轉售重用、零件如合適用於其他地方，將不會被直接棄置堆填。而且無論當中有無傢俱可被回收，客人都可憑收據換對應嘅購物優惠卷。
*Happy Shop由2013年起提供免費上門回收服務，但因應運作成本上漲，免費回收服務只運作至2022年8月底。
4. 曙光二手傢俬
曙光二手傢俬不單有傢俬回收，更將回收服務擴展到收集二手傢俬及電器等物品，以進一步做到「少棄置．多珍惜」，更有同社署及其他機構或慈善團體合作推動環保，轉贈物資畀有需要人士。
5. 五十步傢俬工作室
五十步傢俬工作室對所有合規格傢俬同電器提供免費回收，部分不合規格的物品亦可收費回收，交由佢哋維修翻新。如果唔確定想拎去傢俬回收嘅傢俱符唔符合規格，仲可以影相畀回收部同事去跟進，增加回收嘅準繩度。
「執屋定換傢俬都要備有新方法！」
傢俬唔再亂抌，家居物品都唔再亂擺！
「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
試吓用埋「上門儲存服務」執屋！
