懷孕、生產、照顧初生嬰兒，本來就已經好唔簡單。加上媽媽喺生產後，生理及心理都會出現不同程度嘅變化，所以唔少準爸媽都會喺懷孕期間已經考慮、甚至預先聘請陪月員，幫助媽媽產後調理身子、減輕照顧初生BB嘅負擔。但其實陪月嘅實際服務範圍係咩？請一個陪月要幾多錢？有咩必須留意嘅事項？下文將為你一一拆解！
陪月4種主要服務範疇
一般嘅陪月服務大致可以分為以下4個部份：
1. 照顧產後坐月媽媽
最主要嘅任務當然係產婦護理，一般而言係指為坐月媽媽安排合適嘅日常補身膳食，為媽媽準備正餐和小食或補品，例如湯水、炒米茶、薑飯、薑醋等等，幫助媽媽身體復元。亦會為媽媽煲沖涼用嘅薑水，甚至會幫忙紓緩媽媽產後嘅情緒問題。部份有資歷嘅陪月，更會提供紮肚、催乳、通乳等服務。
2. 嬰兒護理
另一重要工作內容就係照顧初生嬰兒，包括餵奶、掃風、換尿片、幫BB沖涼、清洗及消毒奶樽，甚至清洗嬰兒衣物等等，盡量協助產後媽媽照顧BB。
3. 教授育嬰技巧
部份陪月會與新手爸媽、嬰兒嘅其他照顧者、僱主嘅屋企人、外傭分享育嬰、甚至餵哺母乳嘅技巧及心得。
4. 簡單家務
陪月通常都會幫手做某啲簡單嘅家務，例如清理碗碟、處理廚餘等等，但絕對唔包括日常家務及家居清潔，包括吸塵、拖地、洗衫晾衫、換床單等等。如果有需要，你都可以請陪月幫忙代購食材，一般都會將購物嘅時間計算於工時內，而涉及嘅車資、食材費，陪月都可以實報實銷。
不過每個新手爸媽嘅需要，以及陪月能夠提供嘅服務內容都會有少少差異，所以僱主應該喺聘請陪月時，事先協商及訂明佢嘅實際工作範疇，避免引起不必要嘅誤會及衝突。
「坐月想屋企更加舒適？」
2024陪月薪金參考
至於請一個陪月要幾多錢？收費主要係根據陪月年資、每日工時、工作日數而定。資歷大致分為三項：少於10次陪月經驗（新手）、有10次至20次陪月經驗（標準），以及20次以上陪月經驗（資深）。而每日工時通常就分為8小時或24小時；工作日數分為22日或26日。
以下為2024年陪月薪金參考，等大家有個概念：
| 工作22日 (8小時/日） | 工作22日 (24小時/日) | 工作26日 (8小時/日) | 工作26日 (24小時/日) | ||
| 新手 | $17,000 起 | $20,000 起 | $18,000 起 | $21,000 起 | |
| 標準 | $20,000 起 | $30,000 起 | $20,000 起 | $37,000 起 | |
| 資深 | $22,000 起 | $32,000 起 | $24,000 起 | $42,000 起 |
除咗以上嘅陪月工資之外，仲可以會有某啲額外收費係需要由僱主支付，主要包括以下幾項：
- 偏遠地區之車資津貼
- 加班嘅超時工資
- 意頭利是、開工利是
- 食材及膳食費用
「屋企整齊咗，坐月都舒服啲」
想畀一個最好嘅坐月環境畀產後媽媽？
產後嘅媽媽真係用盡元氣，除咗請陪月員全程照顧，同時好需要畀到一個最舒服嘅環境佢坐月。不如預早將間屋執到一塵不染，少用嘅嘢可以拎去存倉，同時都係預留一個育兒空間，等BB出世後即刻有位放嬰兒用品，又或者可以計劃埋間BB房添！
生活空間仲係有啲逼逼夾夾，睇吓上門儲存服務幫唔幫到手🔽
而家「上門儲存服務」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
聘請陪月注意事項
聘請陪月前，有冇啲咩要特別留意？以下有幾個常見問題，俾大家預先了解清楚！
因為懷孕初期胎兒未算好穩定，所以唔建議準媽媽太早搵陪月，一般建議喺懷孕約12週先開始篩選陪月。另外，由於陪月每年最多只能做五至六個產後服務，檔期一般都比較滿，如果你想搵啲有經驗、資深嘅陪月，就記得要盡早預約喇。
42日至100日最為理想。因為傳統上坐月係需要100日嚟復原休養，但現代人忙碌嘅生活令大部份媽媽都未能坐足100日，所以中醫角度最少都要休養42日（6個星期）。如果想產後媽媽坐月有多個專業人士全程照顧，不妨參考以上日數嚟請陪月。
揀好陪月之後，雙方就要簽訂僱傭合約。條款一般都會包括僱傭雙方嘅姓名、開工及完工日期、每日工作時數、陪月將提供嘅服務內容、薪金、超時及額外工作之工資計算、假期、試用期、通知期、代通知金、提早終止合約嘅安排等等。僱主亦必須根據《僱員補償條例》嘅規定，為陪月購買勞工保險。
如果你係透過中介公司搵陪月，中介公司會訂明更換陪月嘅細則。一般而言，如果僱主喺陪月開工嘅頭3至7日內感到不滿，可要求更換陪月而不作另外收費，不過更換次數就視乎個別公司而定喇。
「我用上門儲存服務要幾多預算🤔」
