「你做咩帶成卷廁紙出街啊？」「唉，我啲鼻水冇停過，幾多包紙巾都唔夠我用啦！」鼻敏感一發作，啲鼻水真係流到同長江一樣咁連綿不絕。連帶嘅鼻塞、乞嗤，甚至失眠對日常生活及工作均造成困擾，想知到底點先可以徹底解決鼻敏感？就要睇下今次小編為你整理好嘅鼻敏感懶人包啦！
鼻敏感原來係咁樣？
鼻敏感又叫做過敏性鼻炎。當接觸到過敏源時，免疫系統會產生過度反應，釋放出化學物質，如組織胺，令鼻腔同鼻竇組織出現炎症同過敏反應。
鼻敏感？傷風？為你解構大不同！
鼻敏感同傷風嘅症狀十分相似，學識解決鼻敏感前，先要分清楚自己係邊個情況！
| 鼻敏感 | 傷風 |
| 無傳染性 | 病毒感染引起，有傳染性 |
| 鼻塞 | 鼻塞 |
| 流鼻涕，鼻涕顏色為透明 | 流鼻涕，鼻涕呈黃色或綠色 |
| 鼻癢、打乞嗤 | 打乞嗤、喉嚨痛或咳嗽 |
| 眼睛不適，出現痕癢、紅腫或流眼水等症狀 | 身體不適，或會出現頭痛、肌肉痛等症狀 |
鼻敏感元兇究竟係邊個？
要學識同鼻敏感共存，第一步就要先搵出誘發鼻敏感嘅因素。
誘發鼻敏感嘅3大元兇
1. 遺傳因素
如父母其中一方患有鼻敏感，子女亦有機會患病。
2. 氣候因素
空氣污染：空氣中嘅污染物，如顆粒物、二氧化氮等，均會刺激鼻腔黏膜。
氣候變化：季節交替期間，如春季容易出現嘅花粉過敏、秋季會出現嘅黴菌過敏等。
氣候條件：乾燥及寒冷嘅氣候會令鼻腔黏膜變得乾燥，增加發作機會。
3. 環境因素
生活環境：灰塵、塵蟎、寵物毛髮及皮屑、花粉
氣體：香煙煙霧、刺激性氣味如香水、油漆味、染髮劑味等
「唔想畀灰塵搞到日日流鼻水🤧」
鼻敏感好苦！中西醫可以點幫手？
鼻敏感變得嚴重時，「包雲吞」包到鼻翼都損哂，連帶嘅過敏反應如眼痕、耳仔痕、喉嚨痕等，搞到無覺好瞓，真係好影響日常生活。被鼻敏感困擾嘅你，應該都試咗好多唔同方法去紓緩鼻敏感嘅症狀，甚至落手執屋減少囤積物品。隨著時代進步，中西醫用於治療鼻敏感嘅方法都有所改變，小編幫大家一次過整合，方便大家去選擇同參考。
中醫療法
鼻敏感喺中醫角度下，針對其症狀，可細分為四個類型：肺氣虛寒型、肺脾氣虛型、肺經鬱熱型及腎虛型，從而對症下藥。除基本藥療外，較為嚴重患者亦可以嘗試配合天灸治療，去紓緩鼻敏感症狀。
天灸係一種傳統療法，其原理係透過熱力及草藥嘅刺激，促進經絡暢通、調整氣血循環及陰陽平衡，以增強免疫力，從而減輕鼻敏感症狀。
天灸療法有咩要注意？
需於特定時間進行：天灸分為兩種 – 三伏天灸及三九天灸。
三伏天灸需於每年嘅「三伏天」進行，係一年中最熱、陽氣最旺盛嘅日子。透過三次敷藥療程去增加人體陽氣，三次療程間需相隔大概十日。而三九天灸則會於冬天進行，為加強療效用。
西醫療法
鼻敏感喺西醫方面，則有3種方法可以幫助抒緩症狀。
- 口服抗組織胺藥物：可減低鼻水、打乞嗤及痕癢等症狀，但會有睡意；適用於症狀輕微時。
- 類固酵鼻噴劑：具抗炎作用，但作用較慢並只能使用低劑量；適用於中度至嚴重症狀。
- 鼻黏膜血管收縮劑：能快速收縮鼻腔黏膜血管，消除鼻黏膜腫脹及鼻充血，改善鼻塞，但只能作短期用；適用於嚴重症狀。
*以上資訊僅供參考，有需要時請及時尋求專科醫生意見*
「減低致敏源，鼻水唔再放題」
唔想鼻敏感畀致敏源搞到一發不可收拾？
香港地嘅鼻敏感患者往往受「環境因素」影響，天氣反覆變化令空氣時濁時清，打咗第一個乞嗤之後就全日無停，一發不可收拾，真係紙巾不離手。既然自然環境因素我哋就控制唔到喇，可控嘅仲有屋企環境灰塵指數！
所以！從今日起執乾淨間屋，少啲物品堆積係屋企，鼻敏感誘發因素就愈嚟愈少，鼻水唔再長流，紙巾都慳返幾盒喇！
「上門迷你箱」有唔同類型嘅箱可以揀，例如：標準儲存箱、特大儲存箱、掛衣箱，可以根據個人需要去選擇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
「屋企無咁大塵，對自己個鼻好啲👃🏻」
