舊屋就嚟完約快快手搵完搬屋公司報價，最驚到搬個日先畀人坐地起價，大呻中伏。唔想到搬屋服務日先同師傅嘈到一肚氣，就要係報價階段問多啲有咩額外收費，自己又可以做足預算，唔怕中收費陷阱。
搬屋公司報價注意事項
首先溫馨提示大家，搬屋公司行內報價一定係免費！如果要求付費報價最好都係避之則吉。
1.逐件物品計算
以搬運物品數量嚟報價，搬屋公司大多數都會出番張搬運清單畀你，搬屋服務初段報價嘅時候價錢會比較平，可以追問有無額外收費（如樓梯費）。
同埋要留意，有搬運清單係清晰好多，但啲師傅又真係只會「按章工作」，淨係搬有列出嘅項目，臨場叫佢搬多個電飯煲都可能要加錢。
2.以車數方式計算
有搬屋公司會以走幾多轉車嚟報價，呢個搬屋價錢收費形式要留意貨車係咩噸數、車陣有幾長、車高有幾高。如果搬屋公司當日用最短陣5.5噸車，好快就擺滿架車，要走多幾轉車。咁就好易超出你嘅預算同時間。
睇完點樣收費，就要知道邊啲位最易「坐地起價」，現場臨時加價搞到硬食。同場加映，搬屋除咗用紙箱Pack嘢入倉，仲有上門迷你箱可以用。
搬屋公司收費形式
搬屋公司報價無論以「逐件物品計算」定「車數方式計算」後，好多搬屋服務都有最低消費。今次就搵咗10間搬屋價錢參考，仲幫大家搜集咗5樣最常遇到嘅額外收費，等大家做好預算搬屋！
搬屋服務最低消費參考
| 最低消費 | |
| 祥發搬屋 | $600 |
| 智富搬運 | 沒有 |
| 海棠物流 | 沒有 |
| 宜家搬屋 | $500＋車費 |
| 壹-搬屋 | $1000 |
| 美高搬屋 | $800 |
| 逐件計搬運 | $500＋$190 (路程費) |
| 東華搬屋 | $1000 |
| 迦南搬屋 | 沒有 |
| 吉利搬屋 | 沒有 |
「執嘢仲用紙箱？試吓上門迷你箱」
搬屋服務額外收費
1. 傢俬拆裝/吊運費
正常情況下搬屋公司都會原件傢俬搬走，如果出現房門窄、大廈電梯較細等情況，現場師傅有可能建議拆裝運送。呢個時候就會產生附加費，根據複雜程度會收取$100-$2000不等。
如果你係住村屋，要留意屋企樓梯轉角位夠唔夠位，有機會要以吊運形式經露台搬出/入單位每件每層$200-$2500不等
圖片來源：智富搬運
2. 每個紙箱/膠箱重量上限
最常見每箱重量上限20KG或25KG。如果一箱重量超過上限會額外收取$20 – $30箱，部分搬屋公司更會收雙倍價錢。
視乎每間公司情況，最低（每件）$200；最高（每件）可達$5000。記得預多一筆清理垃圾費喇。
3. 樓梯/平台/斜路費
樓梯費相信大家都唔陌生，搬屋服務按師傅要行嘅級數去計算。
| 一般物件 | 大型物件(如鋼琴) | |
| 祥發搬屋 | 每單加總搬運費的15%-20% (5級為1層) | 每層每件$500-$1000 |
| 智富搬運 | 每層$500 (10級為1層) | 每層每件$1000 |
| 海棠物流 | 每層每件$100 (10級為1層) | 每層每件$500-$2000 |
| 宜家搬屋 | 每層加總搬運費的15%-20% (6-19級為1層) | 每層每件$800 |
| 壹-搬屋 | 每層每件$100-$400 (16級為1層) | 每層每件$200-500 |
| 美高搬屋 | 每層每件$100-$150 (15級為1層) | 不設服務 |
| 逐件計搬運 | 每層每件$1.2-$100 (16級為1層) | 不設服務 |
| 東華搬屋 | 每單$300 (10級為1層) | 每單$300-$500 |
| 迦南搬屋 | 每層每件$50-$200 (16級為1層) | 每層每件$200-$600 |
| 吉利搬屋 | 每層每件$100-$300 (16級為1層) | 每層每件$200-$500 |
4. 棄置傢俬/雜物費
唔好諗住件物品拎去掉就唔洗錢，因為搬屋公司棄置傢俬/雜物，要車去政府垃圾收集站或中轉站，中間會產生油費同棄置費。
但要留意，即使係大堂入𨋢前有兩三級都記得報畀搬屋公司，等佢哋判斷可否以「搭板」方法搬運，免除附加費。
平台、斜路費就要睇吓貨車泊位同你屋企嘅距離有幾遠。最常見就以50米或100米為一組去計算附加費。若果推遠路路面情況有樓梯、斜路等綜合情況就建議拍片畀搬屋公司報價。
5. 周末/公眾假期搬屋
部分公司係假日出車會收取附加費約$500-$1200 或 每單加總搬運費嘅10%
而隧道/停車場費就以實報實銷形式計算，滿意搬屋公司服務都可以畀TIPS師傅呢。如果你唔係搬屋而係裝修租倉有唔同呎吋嘅物件要存倉，就更加建議提前搵定迷你倉。
「係時候搵定倉擺嘢喇！」
搬屋執嘢先知儲埋儲埋咁多嘢，用埋存倉釋放新屋空間！
傢俬、家居物品由舊屋去新屋就話可以交畀搬屋公司負責，執嘢入箱都係要親力親為。執清間屋閒閒地都三四十箱嘢，既然都分好晒類，睇吓邊啲一年都用唔到一次嘅嘢可以擺入倉。新屋就可以騰出更多空間，住落舒服晒！
上門迷你箱服務究竟係咩？
上門箱你箱服務，故名思義，係以「箱」作單位嚟提供儲存容量同計算月費。Spacebox隨存屋會提供呢四款箱畀你哋擺嘢：文件箱、標準儲存箱、特大儲存箱同掛衣箱，咁就可以根據實際需要去揀喇。而價錢方面，簽6個月儲存箱計劃，每月最低消費只係$180起，抵過租傳統迷你倉好多。
只需三步就解決你嘅儲存煩惱
上門迷你箱服務流程簡單明暸，淨係記住呢三個程序：
- 上門迷你箱公司安排專人上門派發空箱
- 收到空箱之後，唔洗心急，Spacebox隨存屋畀夠14日你執好要儲存嘅物品
- 搞掂晒之後，同我哋約多次收箱日期同時間，專人就會係指定時間到你府上即時收貨入倉
用迷你箱仲唔洗擔心個倉會唔會好遠，因為呢個係點對點上門收箱運送，車隊服務範圍遍佈港九新界，而且更涵蓋偏遠地區，例如：愉景灣、沙頭角，唔洗再call車，慳咗好多時間同車錢。
從此以後出少少力執好嘢，之後就有「 上門儲存服務 」幫你輕鬆搞掂入倉！如果有更多、更大型的物品需要長期儲存，不妨考慮使用「 上門迷你倉 」，仲有專人為你免費報價！
「用埋上門迷你箱 Keep住新屋整齊！」
